龔嘉欣近日頻頻玩突破，繼真空上陣拍激凸相紀念入行九周年後，日前跟張振朗拍電視劇《堅離地愛堅離地》又改變戲路，唔做乖乖女做爛女，當街剝甩張振朗條褲。事業要突破，龔嘉欣近日跟閨蜜陳凱琳有新搞作，向來是廚藝高手的她，拍住甜品高手Grace做老闆賣餅，兩個女仔密鑼緊鼓物色鋪位開自家品牌蛋糕店。
戴上眼罩的龔嘉欣，要跪在地上剝張振朗條褲，二人很有默契，拍了幾take便OK。
激嘴胡鴻鈞
前年憑《幕後玩家》一場哭崩戲攞「最佳女配角」後，龔嘉欣把握每個演出機會，正在播映的《誇世代》，她在戲中一場跳舞引誘胡鴻鈞的激嘴戲又成為話題，原來當日成場戲是導演臨時加插，不過她都冇say no。事業開行turbo，日前她跟張振朗孭飛的電視劇《堅離地愛堅離地》在尖東拍外景，劇情講述她跪在地，失重心仆落地，唔小心剝甩張振朗的的牛仔褲，要做得自然，龔嘉欣要求做完再做。不過每拍完一場戲，跟張振朗傳過緋聞的她就刻意避開，企理一邊未有任何交流。
「攞完獎，嘉欣好想再有突破，佢之前影咗一輯真空相，都去得幾盡，講到尾都係想自我挑戰，佢覺得做戲唔應該有框框，入行時仲係妹仔心態，淨係顧住個靚樣，有時又會分心拍拖，而家機會愈來愈多，做戲又有番少少成績，佢都唔想嘥時間，朋友都話佢成熟咗，其實嘉欣都係得二十八歲，比起好多已經三字頭嘅姐仔，仲有大把時間。」身邊人說。生日正日要開工，她又去到盡，就算唔使落水，她依然著泳衣在泳池邊晒長腿，有求必應。
雖然要在尖東鬧市除褲，不過張振朗一點都不介意，表現很專業。
劇情講述龔嘉欣失重心仆落地，因而不小心剝了張振朗條褲。
黃心穎與龔嘉欣在新劇中合作很愉快，大有機會成為好姊妹。
龔嘉欣因合作拍劇同陳凱琳愈來愈深交，二人同樣愛整餅，計劃明年夾份投資開餅店。
龔嘉欣在《堅離地愛堅離地》中，飾演有錢女，無綫特別借來名車拍外景。
入行九年的龔嘉欣，圈中有不少好友，其中姚子羚與她情同姊妹。
今年是龔嘉欣入行第九年，早前特意拍了一輯性感照留念。
教煮消夜
幕前機會多，她撈多瓣開始學做生意，鍾意下廚煮幾味的她，跟「少婦聯盟」成員之一的陳凱琳開鋪賣甜品。「佢同Grace玩埋之後，幾個女仔都成日整嘢食，Grace整甜品蛋糕好叻，有時都會教嘉欣，女仔鍾意食甜品，佢哋又可以做生招牌，早排就扑槌夾份開自己嘅餅店，不過嘉欣近排好忙，嚟緊又要開拍《包青天》，啲劇排到出年七月，Grace又要開工，兩個都未有時間搵鋪，所以都唔係即時做到嘅事。」身邊人透露。
煮得一手好菜，公司的big big channel開live做節目，龔嘉欣當仁不讓，索性在屋企教粉絲煮消夜，現場騷真功夫。「嘉欣好鍾意煮嘢食，最叻煮鹵肉飯、麻辣雞煲同蘿蔔牛腩，食過嘅朋友都大讚，話佢夠資格開私房菜。佢覺得煮嘢食係生活情趣，自細開始跟嫲嫲學煮飯煲湯，就算結婚有工人，佢都一定會煮飯俾老公同仔女食。大家都覺得佢搞飲食生意最啱，唔好嘥咗煮嘢食天分。」身邊人透露。
雖然生日要開工，但工作人員識做，送了兩個蛋糕給她。
龔嘉欣與譚凱琪、沈卓盈及陳凱琳因拍攝劇集《平安谷之詭谷傳說》而成為好姊妹，並自組「少婦聯盟」。
龔嘉欣與譚凱琪、沈卓盈及陳凱琳因拍攝劇集《平安谷之詭谷傳說》而成為好姊妹，並自組「少婦聯盟」。
去年，龔嘉欣在劇集《幕後玩家》的演出大獲好評，並以大熱姿態奪得《萬千星輝2016》的「最佳女配角」。
龔嘉欣最近在台慶劇《誇世代》中，飾演尚家六小姐、李佳芯的妹妹。
撰文：娛樂組
攝影：王志輝
玩突破真空上陣龔嘉欣當街剝張振朗條褲
