素顏龔嘉欣大大對熊貓眼，好嚇人。
呢排忙住趕拍劇集《誇世代》的龔嘉欣，日捱夜捱，捱到個樣都殘晒。
《壹》仔喺將軍澳Pop-corn商場撞到佢，一身街坊裝，冇化妝面青青，仲大大個黑眼圈，見佢急急腳走去牛肉麵店嗌外賣，俾完錢之後喺商場四圍蕩，走咗入一間日式小食店買埋甜品。
校啱時間，龔嘉欣返轉頭拎外賣，呢個時候，店員已經準備就緒要同佢selfie，個樣咁殘一樣無托手踭，應酬完一輪，龔嘉欣拎住一袋二袋外賣走人。咦？睇嚟呢度唔止一人分量喎！
等外賣期間，龔嘉欣走入日式甜品店買和菓子。
龔嘉欣外賣牛肉麵，分量起碼夠三個人食。
上妝後的龔嘉欣，即時靚番晒！
撰文：八珍
攝影、攝錄：李溢敏、瀚鍾、余一駱
趕劇謝晒皮龔嘉欣做外賣妹
