吳業坤坤哥下月唱爆紅館

1^# 大中小 young 發表於 2016-8-5 17:56 發短消息

相關主題: 吳業坤

吳業坤（坤哥）上年年尾喺頒獎禮攞新人獎喊到眼鏡起霧，人氣爆燈，唱片公司噚日正式宣佈坤哥第一個紅館個唱會喺下月10號舉行，門票今日就會接受信用卡優先訂票。對於有傳話今次開騷嘉賓多達10幾位，坤哥就笑住話：「非常好嘅提議，但都係講笑，嘉賓仲係邀請緊，可能係我一位超級偶像或者不斷鼓勵我嘅前輩，希望到時畀驚喜大家！」

撰文：馮仁昭
from:http://hk.apple.nextmedia ... 160705/19681319

廷伸閱讀/相關主題推介:

相關主題:吳業坤

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-5 18:24 發短消息

坤哥關心吳若希驚誤會

吳業坤同阮小儀噚日喺銅鑼灣出席配音電影活動，坤哥將會喺紅館舉行處男個唱，佢話：「大家對我rundown有好多揣測，保持神秘先。有好多人哋嘅歌想唱，最難係唱男前輩嘅歌，因為大家本身對歌有印象，希望大家會覺得值回票價。」吳若希喺fb對司徒夾帶有關娛圈潛規則對號入座爆粗，坤哥話：「等我關心下佢先，但佢有男朋友怕誤會喎，等我見面先問佢。」

撰文：馮仁昭
from:http://hk.apple.nextmedia ... 160708/19685668

TOP

3^# 大中小 young 發表於 2016-8-5 22:45 發短消息

坤哥開騷扣起八成飛

吳業坤昨在黃埔宣傳下月在紅館舉行的演唱會，即場宣佈昨日才正式開售的門票已售出九成八。對於有指門票由內部扣起八成，坤哥說：「飛係公司搞，但我都收到好多朋友話想訂飛，希望盡量滿足到大家。暫時冇收到粉絲投訴買唔到飛。」歌曲不多的他被網民笑人氣歌《陽光點的歌》要唱七次？坤哥說：「𠵱家仲錄緊新歌，到時應該有十幾首，其他人嘅又有，一半一半囉！」

採訪、攝影：曹家誠
from:http://hk.apple.nextmedia ... 160713/19692012

TOP

4^# 大中小 young 發表於 2016-8-5 23:27 發短消息

坤哥提Aka玩驚喜

大忙人吳業坤忙綵排演唱會、拍劇和籌備大碟，昨日帶着疲倦身軀的他現身商台，他說：「𠵱家會抽多啲時間做運動，keep番狀態。」坤哥是不是沒有時間拍拖？他說：「一路都冇，留番啲時間睇歌詞，因為唱好多人嘅歌，記歌詞有難度。」問他會不會唱緋聞女友Aka組合SG的歌？坤哥尷尬地說：「唔回應，到時大家睇驚喜，到時會唱胡鴻鈞同許廷鏗嘅歌。」
from:http://hk.apple.nextmedia ... 160716/19696814

TOP

5^# 大中小 young 發表於 2016-8-6 00:22 發短消息

坤哥誇口得罪人

吳業坤（坤哥）噚日去商台宣傳紅館個唱，佢日前喺訪問中誇口話自己第一次喺紅館開嘅演唱會飛，開售一日就可以賣晒，自覺講錯嘢，話會好好警惕，佢話：「呢句說話，係我一世人都會後悔講過嘅說話，如果我一句說話，令到其他人嘅工作白費，錫我嘅人都同我講點解我講嘢咁衝動，所以我𠵱家講嘢要慢啲，避免禍從口出。」

撰文：馮仁昭
from:http://hk.apple.nextmedia ... 160719/19700297

TOP

6^# 大中小 young 發表於 2016-8-6 00:29 發短消息

周子揚被坤哥起飛腳

周子揚（左）上載與坤哥合唱的《霧花》，更稱是為坤哥度身訂做。

周子揚日前在YouTube上載與吳業坤合唱的《霧花》MV，並邀請顏子菲、趙哲妤及一班素人助陣，他們輪流掌摑坤哥和周子揚，摑足18巴，坤哥更反串扮女人摑自己，十分搞笑。

昨日有人爆料，指《霧花》是兩年前作品，坤哥未紅前找周子揚作曲，當時沒人肯投資，兩人夾6千元製作。後來坤哥憑《原來她不夠愛我》爆紅，周子揚以為可以乘勝追擊成為第二炮，但坤哥拖字訣不停說「遲啲先」，令周子揚甚無癮。

問在北京拍劇的周子揚，是否被坤哥起飛腳？他指大家是兄弟，但承認有點失望：「當時係坤哥叫我幫手寫，真係幫佢度身訂做。」

採訪：嵐山
from:http://hk.apple.nextmedia ... 160720/19701515

TOP

7^# 大中小 young 發表於 2016-8-6 01:28 發短消息

坤哥紅館騷fb散飛又爆關公災難

吳業坤下個月10號One and only one一場紅館騷《KWANGOR LIVE IN HONG KONG吳業坤演唱會》開騷。

得一場演唱會，咁啲飛梗係好矜貴，預售第一日，的確好誇，貴飛$480幾乎賣晒，$380得番少量，睇睇座位表個「黑洞」就知，得番少於1/4公開賣飛，仲要幾乎9成係背台位。

咁好賣，咁咪即係一票難求？事後佢都知自己講錯嘢，話好後悔……

原來…又未必喎！

坤哥早排幫一隻護膚品牌做代言人，咁呢個品牌最近喺facebook粉絲專同網民玩遊戲，遊戲規則係首先要買呢個品牌嘅產品，俾吓like，講吓呢個品牌有幾好用咁啦，咁呢，得獎者就有機會奪得坤哥兩張價值$280嘅珍貴門票，仲標明有40個名額o架。

前晚踏正凌晨12點，個遊戲就截止報名，結果數數手指，係…係有6位網民參加咗呢個遊戲！

咁呢6個幸運兒，應該唔使抽，都肯肯定可以得到坤哥嘅演唱會門票啦啩！

不過，其餘嗰34個名額點算好？

有創意網民就喺個fb留言話：

「直接喺到抽多34個留言嘅人啦，無謂浪費啲飛！」

「不如請職業觀眾，可pm小弟，你出飛，我收$80小時，舉牌，大叫另計！」
from:http://hk.apple.nextmedia ... 160726/19709558

TOP