坤哥吳業坤認被躁底導演提醒

1^# 大中小 young 發表於 2016-3-23 17:26 發短消息

相關主題: 吳業坤

黃翠如、吳業坤、許廷鏗及林盛斌等，昨日到澳門出席電影《功夫熊貓3》首映。對於無線躁底導演張永豪（Gary）涉用劇本打演員頭部，兼有爆粗鬧演員的前科最終遭停職，Gary動粗當日有在現場的坤哥表示不作評論，被問到有否被Gary「問候」時，坤哥說：「佢有提醒我講術語，都幾責之深。」

至於翠如則說：「我入行第一部劇就係拍佢，總共拍過4套劇，佢好認真同嚴厲，大家都知電視行業近來好多唔開心事，希望工作環境可以開心啲。」她稱未見過Gary用粗口問候其他演員：「做幕後通常說話都會粗俗啲，為件事好我接受到，不過都係要令人開心先得。」

採訪：曹家誠　
攝影：沈健程
from:http://hk.apple.nextmedia ... 160306/19518156

廷伸閱讀/相關主題推介:

相關主題:吳業坤

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-3-28 22:15 發短消息

吳業坤想放長假充電

吳業坤前晚喺灣仔出席「國際無伴奏音樂盛典」以「無伴奏合唱節大使」身份擔任嘉賓，仲話今年有機會舉行個人音樂會，早前他放咗假去台灣充電：「放兩日唔夠，想放一個長假，我想申請五日，但自己好矛盾，𠵱家係一個搏殺期，但都要鬆吓，如果成功申請，想去日本或者韓國，放一個長假休息吓。」

撰文：馮仁昭
from:http://hk.apple.nextmedia ... 160314/19528196

TOP

3^# 大中小 young 發表於 2016-3-29 16:40 發短消息

吳業坤緋聞多洗底

吳業坤表示沒有追求者，但自言在這方面可能較遲鈍。

吳業坤、陸詩韻、范振鋒、李思欣等昨日在深水埗出席健康產品活動，身為品牌美肌代言人的坤哥，雖然緋聞女友多多，但他笑言會送美肌產品給男、女同事用，他說：「我要清洗吓自己形象，因為搞到自己冇所謂，搞到人就唔好。」有心儀對象？他表示未有，但以防萬一，會避忌少少，他又表示沒有追求者，笑指自己可能在這方面較遲鈍。

陸詩韻透露月尾要拍一輯性感睡衣造型照，所以要10日減4磅，問到性感程度？她說：「喱士低胸，意識上性感，會擺S形甫士，但健康嘅，其實我會做sit up同淨係食蔬菜。」

採訪：黃曉妍
攝影：仇志德
from:http://hk.apple.nextmedia ... 160322/19539322

TOP

4^# 大中小 young 發表於 2016-4-14 00:17 發短消息

坤哥剝眼鏡打欖球

吳業坤喺今年叱咤樂壇頒獎禮攞獎時喊到眼鏡起霧，四眼霧氣Look成為他的標誌。不過坤哥最近為某隱形眼鏡品牌拍宣傳片，就除低眼鏡以真面目見人，沒有戴眼鏡的坤哥完全兩個樣，變身型男沒有了招牌戇直Look，坤哥在宣傳片中還要首次獻身打欖球，與大大隻的專業欖球員對戰，身形輸蝕的坤哥都說有點驚青，好在他有打籃球習慣，初次落場都玩到似模似樣。
from:http://hk.apple.nextmedia ... 160409/19563562

TOP

5^# 大中小 young 發表於 2016-4-14 00:48 發短消息

坤哥改口未睇《G-1》

吳業坤及欣宜前晚赤腳為饑饉三十活動宣傳。

周柏豪、鄭欣宜、吳業坤、AGA及JW等歌手，前晚在香港仔運動場出席饑饉三十活動，坤哥曾公開指好期待看ViuTV的《G-1格鬥會》，不過他前晚指還未收看，並改口風謂：「都冇話期唔期待，我都期待《殭》播出。」不過他堅持當日言論沒問題，不是補鑊說話。

柏豪透露對類似ViuTV製作的真人騷節目感興趣：「我諗緊邊個同我矛盾最大。」會否是王宗堯？柏豪強調跟王宗堯合作沒問題，大家沒有不和，只是不太熟落。他並笑謂只要不是連詩雅便可：「我諗會喺節目度鬧爆佢，所以好難對住佢。」對於連詩雅於旅遊真人騷中黑面顯現真性情，柏豪力撐詩雅有風度，性格不浮誇。

採訪、攝影：王連連
from:http://hk.apple.nextmedia ... 160411/19566092

TOP

6^# 大中小 young 發表於 2016-4-14 01:14 發短消息

坤哥自爆赤裸陪Kay

吳業坤噚日喺商台宣傳新歌，佢話預計10月會出碟，之後再開音樂會，但就唔急於喺紅館開騷，希望之後可以慢慢進步。

坤哥繼續賣口乖，狂讚自己有份演出嘅無綫劇集，又話會赤裸上身坐喺謝安琪（Kay）旁邊，問佢有冇信心幫公司提升收視？佢話：「希望可以啦！絕招都出埋，我咁樣脫都唔升，公司以後唔搵我。」佢話將來拍戲如果劇本需要，唔介意全裸。

撰文：馮仁昭
from:http://hk.apple.nextmedia ... 160412/19567034

TOP