坤哥指與妹妹從小聽樂壇小強Tommy唱歌，暗寸Tommy是「老餅」。
Tommy
吳業坤、應昌佑、陳柏宇、黃劍文和鄧小巧等前晚在中環Slide the City舉行音樂會。26歲的坤哥2010年參加無綫節目《超級巨聲2》獲第五名入行，僅出兩張唱片便踏上紅館，在本月中舉行終極一場處男騷，他的幸運卻招來不少前輩「眼紅」，有「樂壇小強」之稱的阮民安（Tommy）近日宣佈重組E-kids，他日前在訪問中就暗寸坤哥扮棋都上到紅館，入行14年的吳浩康（Deep）也恨到紅館開騷，並視之為夢想。
應昌佑（中）和陳柏宇（右二）等前晚同台演出，在後台眾人非常好傾。
「係我童年回憶」
對於Tommy和Deep的話中話，坤哥前晚指他們純粹給意見，並說：「我相信Tommy仔咁講係曲線支持我，唔覺佢踩我，其實Tommy仔都係我童年回憶，我妹都鍾意聽佢哋嘅歌，當年仲有儲《Yes》卡㖭。至於吳浩康嗰句『英雄莫問出處』，更加覺得係撐我，我都欣賞佢嘅唱歌技巧，鍾意佢以前啲歌，咁多年都冇放棄到。」坤哥言語間暗寸Tommy「老餅」。
坤哥日前往看郭富城演唱會，還到後台集郵，更把照片貼Instagram，不過坤哥又忽然把相刪走，他解釋：「我覺得張相有啲肥，所以換過第二張相，其實之前拍《寒戰II》都有試過同城城同場，但唔敢出聲，今次喺後台排咗半個鐘，終於可以同到城城合照，好開心！」
大會反駁神奇膠
此外，大會負責人郭家欣前晚再講神奇膠控訴大會不尊重樂隊，她解釋：「搞呢個音樂會，係想有唔同band可以發聲，如為谷飛，就搵啲出名嘅band，做開live騷都知調動cut歌好正常。神奇膠下晝冇綵排，好驚有問題出錯，控制人員開咪唔係催佢哋，係叫set樂器工作人員，唔係同神奇膠講。」郭家欣爆歌手有4位數字車馬費。
採訪：黃曉妍
攝影：仇志德
from:
http://hk.apple.nextmedia ... 160829/19752617
