現年39歲的張新悅07年嫁楊哲安，至今已是三女之母，一直有自己教育子女方法的她，對於越來越多父母為怕子女輸在起跑線，不斷催穀子女參與各式各樣興趣班或補習班，張新悅一向不認同，下月更會聯同兩位來自教育界專業人士舉行講座，齊齊向怪獸家長say no!
張新悅三位女兒分別6歲、5歲及1歲多，現讀小一的大女Lucy，當日都是透過政府機制分配入學，她說：「我同老公都唔相信一定要入名校同攞100分就係好，我覺得家長要為子女準備嘅都唔係佢哋要點成功，而係要令佢哋有毅力，唔怕失敗，呢啲係喺書本學唔到嘅！」
對於全港性系統評估（TSA）成為教育教熱烈討論話題，支持及反對聲音兩極，張新悅指老公楊哲安曾在教育局工作，她明白政府原意是想利用TSA來評估政策是否做得足夠，但也感覺現在變了質，學校如為了校譽催谷，學生成了犧牲品。她說：「如果問我，我唔會講到好實要反對定支持，但我自己一定唔會為咗TSA去操練女兒，亦都覺得好多因素令成件事變咗質、商業化，做成惡性競爭。」
張新悅老公楊哲安曾在教育局工作。資料圖片
張新悅認為有學校為了校譽令學生變成犧牲品。資料圖片
生活小節學得更多
張新悅又謂，自己都有安排女兒讀興趣班，但星期六、日一定是家庭日，因為她覺得小朋友在生活中不同細節可以學懂更多：「都好開心可以再開講座，今次都唔係第一次被邀請講關於分享父母嘅事，至於TSA問題，我覺得政府可以諗嚇係咪唔需要每間學校都有TSA？抽樣去做？咁呢啲就真係要專業人士去諗喇！」
採訪：小米
from:
http://hk.apple.nextmedia ... 151211/19407150
