張新悅教女自立

楊張新悅前晚與楊婉儀夫婦在金鐘出席慈善晚宴，本身有三個囡囡的楊張新悅，向來都有自己的一套教女方法，近年更多次出席推動小朋友多以遊戲方式學習的活動，她本身亦主張三個囡囡從遊戲當中找自己方法去玩，她說：「我會任佢哋玩，唔一定受規限，佢哋好獨立，Daddy就較有威嚴，可能一個眼神佢哋都驚。」

楊張新悅早前被拍到一人拖三個囡囡在中環行街。資料圖片
灌輸堅毅理念

楊張新悅一點都不擔心囡囡會被寵壞成公主病，她說：「我諗喺我手上唔會有公主病，公主最先決條件要有好多人照顧，但係我啲女好識得照顧自己，加上我先生本身係鍾意挑戰自己嘅人，個理念都會教埋畀小朋友，教佢哋做一件事唔會中間放棄，有求生能力，好自強，都試過一齊去露營，唔會畀佢哋太倚賴，因為如果細個舒服太易得到啲嘢，大個做事會冇毅力。」楊張新悅又透露已為二女找到學校，並說：「因為佢哋讀嘅都係女校，三個應該都係讀埋同一間，一條龍安心啲。」而同場的楊婉儀亦說：「𠵱家啲家長好多壓力，好建議兒童遊玩咁學習，社會成日話贏在起跑線，我就唔認同，唔係起跑線喺邊度，希望小朋友做番小朋友，多啲喺開心環境下互相學習成長。」

採訪、攝影：張俊銘
from:http://hk.apple.nextmedia ... 151018/19337521

張新悅斥社會不應以奇怪目光對待餵母乳的媽媽。

白只認為餵母乳如進食般平常。

楊張新悅、白只、Ana R.和DJ細So昨日在鑽石山出席「乳你哺出愛」活動，身為三女之母兼活動大使的楊張新悅指三個女兒都是哺母乳長大，她說：「我鍾意埋身餵，每次都喺車或者屋企餵咗先出街，我覺得好多人見到靚女低胸啲就吹口哨，但媽咪露少少就覺得好大件事，呢樣係與生俱來。」她希望香港可增加餵母乳的地方。

活動前已跟媽媽飲茶慶祝母親節的白只，他直言力撐該活動，他說：「都係進食啫，你估媽咪想俾人睇到咩？圍住圍巾就可以解決問題。」初為人母的Ana首年以媽媽身份過母親節，雖然女兒現時只有24星期大，不懂得節日，但Ana已感到很開心。

採訪、攝影：黃曉妍
from:http://hk.apple.nextmedia ... 160509/19603382