張新悅、蔡少芬、周國豐夫婦與童愛玲等，昨日於荔枝角出席一個兒童活動，其中周國豐兒子更粉墨登場行catwalk，已懷孕7個月的張新悅腹大如籮，但仍穿上厚底鬆糕鞋。在小朋友行騷時，她突然擺出高難度動作，在膠椅上踢起右腳、單腳支撐著身體拍照，看得人心驚。張新悅透露腹中的第三胎預產期為10月1日國慶日，被問到現場可會人多太嘈雜？她笑說：「唔怕，屋企兩個家姐都嘈慣，佢唔驚嘅。」
蔡少芬一身露背裝現身活動，很有辣媽風範。
蔡少芬湊女病倒
張新悅於活動現場擺設攤位售賣健康產品，她說：「今次第一次做生意，投資好少，連舖都冇，純粹係媽咪之間宣傳。」她又指懷孕未有打亂生意計劃，她說：「反而幫到手，人生要做啲嘢，唔係日日喺屋企湊仔嘅。」
同場的蔡少芬則以大露背辣媽形象出現，她先否認為朱茵女兒入學做介紹人，她說：「冇咁嘅事，我個人唔識走後門，連自己個女入唔入到都未知，至多都係知道派報名表話聲佢聽。」她又指張晉前往泰國拍《殺破狼II》外景僅數天，自己照顧兩女已不支病倒，她說：「要去美國傳福音，想帶埋兩個女去，但係簽證都搞到頭暈，16號就要出發，𠵱家真係想自殺」。
from:
http://hk.apple.nextmedia ... 140707/18790425
