張新悅（前名張燊悅）、曹眾、徐濠縈和何嘉莉等前晚在金鐘出席慈善晚宴，早前袁詠儀（靚靚）在無綫節目《最佳女主角》中自爆97年拍戲時，被後排的新人推而發火狂鬧，據了解張新悅當年與靚靚合作電影《戇星先生》，張新悅前晚對此自言年紀大記憶差：「CPU裝唔到咁多嘢，應記先記，十五、六年前嘅事，冇能力記得每個細節，放低件事好耐，佢拍《新不了情》都好鍾意佢，希望佢𠵱家有突破演出。」對於被指新人「唔掂」，她說：「如果我適合做，就仲喺娛樂圈啦。」
之後張新悅在金鐘出席另一活動，再被問可有需要向靚靚道歉？她說：「都係睇微博同朋友講先知，唔需要去睇。我只記得娛樂圈開心事，件事放低好耐。偶然都會喺街撞到阿靚，但冇機會打招呼。」會否為自己澄清？她說：「張新悅，已經係楊太太，娛樂圈唔關我事。」
張新悅前晚與老公楊哲安一同出席慈善晚宴。
袁詠儀拍《戇星先生》，被新人推撞而發火鬧人，張新悅被捲入其中。劇照
靚靚口供唔夾
靚靚昨日在珠海出席活動，提到張新悅不記得鬆踭一事，靚靚說：「唔記得咪好囉。」兩女可有見面？她說：「見面冇事，呢啲係年輕人誤會，做咗媽咪會放開，我哋試過超巿撞見有打招呼。」此話似乎與張新悅說見面沒打招呼有出入。
此外，久未露面的曹眾與老公和兩歲半囡囡前晚出席晚宴，曹眾說：「我會喺香港開兩間四川菜館，仲有幫無綫《吾淑吾食》做嘉賓，同黃淑儀教人煮餸。」她表示有留意香港電視發牌：「內地都有好多人談論，多一個牌未嘗唔係好事。」徐濠縈提到陳奕迅自覺虧欠老婆，因當年阿徐大肚，自己未準備好做老竇，阿徐笑說：「乜佢都知咩？但有幾多男人會喺屋企湊仔，可能有男人會，但唔係佢，佢鍾意做嘢。」她又爆陳奕迅想再生BB。
採訪、攝影：胡比、曾小嘉
靚靚謂曾在超巿見到張新悅，彼此有打招呼。
曹眾一家三口亮相，只有兩歲半的女兒完全不怕鏡頭。
徐濠縈大爆老公陳奕迅想再做老竇。
from:
http://hk.apple.nextmedia ... 131027/18481038
