剛踏入44歲的人妻袁詠儀（靚靚），1990年當選港姐冠軍時上圍只有32.5吋，多年來一直平平無奇的咪咪，昨日忽然平地起驚雷，在一件deep到落肚臍的超低V裙襯托下，靚靚的iPad胸驟然出現鬼影變幻球，化身波濤洶湧的巨乳人妻，辣媽靚靚坦言沒給老公張智霖過目，揚言真材實料的她說：「我有自信，唔係假嘅。」
在1990年奪取港姐冠軍兼最上鏡小姐的袁詠儀，雖然暱稱靚靚足見對自己外貌的自信，不過，當年她參選時，三圍32.5、24、35吋，身材波平如鏡被笑是平胸港姐，靚靚於2001年與張智霖在美國註冊結婚，兩人的兒子張慕童現年八歲，一直以樣子和演技取勝的她，昨日以一襲Balmain超性感深V紅裙，現身圓方出席珠寶店剪綵活動，竟然賣大包真空上陣露波邊，由iPad胸變巨乳人妻，全場譁然。
【1990年出道時】
靚靚選港姐時上圍32.5吋，波平如鏡。
【2006年懷孕時】
陀著魔童時只肥了，上圍依然沒有增大。
【2009年排骨時】
以吊帶低胸裙拍廣告，胸前一節節排骨十分突出。
【昨日起鬨時】
靚靚昨日著deep到落肚臍的超低胸裙剪綵，iPad胸港姐忽變巨乳人妻。
「僭建非我Style」
靚靚身上的深V短裙開到落肚臍，搶盡同場負責展示珠寶的青春少艾鍾浠文和姜美兒風頭，當靚靚出場時，全場大嘩一聲，靚靚有少少尷尬地笑，但表現自信，剪綵和祝酒時都小心翼翼，掩住心口驚走光。她表示服裝由形象師負責：「之前有睇過試過，我成日問打底方面要點，我哋咁舊派，可唔可以自己戴胸圍，問十個九個話唔應該。」是否真空上陣？她坦言：「梗係，呢次係我極限，形象話可試唔同形象，有新鮮感多啲人搵可出席唔同活動。」
問是否怕老公詐型？靚靚說：「呢件真係冇畀佢睇過，都唔知點講，唔覺得佢會安慰我先，一係讚我一係打擊我，唔想未著收到任何唔公平對待。其實佢支持我性感，反而自己擔心點打底，之前仲問專家周汶錡小姐，佢仲贊助埋我雙面膠紙同乳貼，佢都覺得好神奇，一個女人屋企點解冇缽仔糕，算啦，僭建都唔係我style，夾硬逼條線唔係我個樣，最緊要自然同做自己，周汶錡連黐邊度都話埋畀我聽，老公覺得唔過份，我個樣健康都OK。」
靚靚昨日以超性感打扮出席珠寶店剪綵，搶盡同場後輩鍾浠文（左）和姜美兒（右）的風頭。
由港姐變人妻和人母，現在的靚靚幸福滿瀉。資料圖片
靚靚昨日戴上大會贊助的60卡鑽飾，笑言：「唔通百貨公司剪綵著到咁咩！」
「唔係攞嚟嚇人」
問現在是否很有自信？靚靚笑笑說：「我有自信，唔係假嘅。」有否托或做手腳？她堅稱：「冇呀，我都唔識托，我有少少新人嘅感覺，好緊張唔想穿崩，唔係特登攞出嚟嚇人，因為我覺得揀衫要睇多啲珠寶，唔通揀樽領衫。」性感出席是否酬勞豐厚？她坦言：「舒服價錢，都好，未試過，適當場合先著。」會否叫老公買珠寶？她說：「梗係會，唔會避忌，但佢唔會成日買，佢話搵錢辛苦，叫我唔好鑿佢，已經少鑿咗。」問月初生日老公有否送珠寶？她說：「呢啲通常年頭收曬，見到想買已收定情人節、生日禮物，又永恆啦。」
採訪：溫敏芝
攝影：沈健程
from:
http://hk.apple.nextmedia ... 150917/19297997
