賭王千金何超雲同陳山聰自2013年戀情告吹，陳山聰當時變成「四失聰」，失女、失錢、失事業，失形象，陳山聰近年已重新振作，返大台拍劇，又極速減肥，間唔中就去跑步。
陳山聰昨日去咗揸直升機，更拍咗多條「起飛」片擺上Instagram，留言：「大年初六行大運，梗係要飛一飛先啦，步步高升，猴年行大運!」
至於，舊愛何超雲呢，原來佢仲有同郭政鴻聯絡，超雲昨日喺微博貼出同郭政鴻囡囡合照嘅相，留言：「好開心年初六!」更tag埋郭政鴻，睇嚟二人都好老友咁!
話晒郭政鴻同陳山聰一向係好兄弟，陳山聰當年同何超雲打得火熱，同一眾老友陳敏之、伍詠薇反晒面，惟獨老友郭政鴻繼續力撐，亦傳過何超雲將郭政鴻視為偶像，曾透過山聰約郭政鴻一齊食飯，後嚟超雲仲同郭政鴻囡囡上埋契。難怪初六會約埋聚會喇！
from:
http://hk.apple.nextmedia ... 160214/19490334
