雨僑昨指因遇不少猥褻留言，故拒再玩app17。
雨僑昨日到商台接受森美主持的節目訪問，她指節目內會談及感情生活：「好似會講男朋友會點發脾氣，自己最接受唔到人嘭門，同埋食我煮嘅嘢時反眼。」問到其男友羅力威脾氣如何？雨僑即大讚對方：「佢好好呀，好似冇乜脾氣咁嘅，雖然唔係咁多人認同。」
提到社交app17近日再度上架，本身也是用家的雨僑，直言因為之前的不愉快經歷，故已決定不會再玩：「無論你做啲乜，啲人都會留啲猥褻留言，又叫你除衫咁，根本同唔到啲真正鍾意你嘅人溝通。」
提到老闆蕭定一將開拍電影版《導火新聞線》，雨僑說：「老闆好好，都有問我想唔想演，不過因為自己冇演開港視劇，所以唔想亂入，相信觀眾都係想睇原汁原味嘅。」
採訪、攝影：譚倩宜
from:
http://hk.apple.nextmedia.com/entertainment/art/20151031/19354567
