雨僑馬騮山搵貴人

十二生肖中，猴年肖牛的人都會運轉乾坤，猴子是牛女雨僑的終身貴人，所以她決定猴年旺相，去石梨貝水塘入面最多馬騮聚居的金山郊野公園應節！

雨僑日前接受本報專訪時說：「屬猴同屬鼠都係旺我嘅，咁都確實係同呢兩個生肖嘅人係夾啲，咁今年係猴年，即係好喇！係friend嚟嘅！呢一年嘅馬騮就會照住我，所以今日就來拜訪嚇啲老友記。」

巡迴長洲行大運

穿上粉紅色絨毛露臍裝的雨僑融入大自然，她沿途細細聲，行路碎碎步，結果她靠近一隻正在欣賞風景的馬騮，卻不被理睬，雨僑笑笑口說：「其實我都唔知呢度啲馬騮真係咁多，我哋都好遵守規則冇餵啲馬騮，所以我哋好安全，佢哋都冇乜理我哋，都好乖咁，好得意尤其係細細隻嗰啲，人類同動物都係共存，所以今次嚟睇馬騮仔都係好開心嘅！」

肖猴的人多是貴人，那雨僑身邊人又有幾多個？她說：「唔係咁多，但舊年就遇到一個，就係我跑馬拉松嘅教練，佢就係屬猴，佢成個人都係好似馬騮咁，跑步跟住佢就好有安全感。」過去幾年都經常犯太歲，雨僑今年終於行運，她期望：「今年唔使犯太歲我已經好開心，仲有猴子做朋友，我覺得今年係會事事順利。」

新年期間，長洲原居民雨僑要返長洲參加團拜，她說：「我哋屋企大本營喺長洲，過年係會返長洲，比起香港普通家庭，我哋長洲人拜年係有條路線要行，所以我哋年年都係會輪流做主，然後成個家族就會巡迴咁去拜年，下年又會到另一家做主場。我覺得長洲呢個集體拜年嘅習俗係唔錯，因為可以集中一日收曬所有利是嘛！」

採訪：楊潔雯
服裝：Snidel
髮型：Jay Yeung of PRIVATE I

雨僑沿途與馬騮和平共處，享受大自然。

今年不再犯太歲，雨僑希望萬事順利。
from:http://hk.apple.nextmedia ... 160208/19483735

雨僑在活動上落手落腳展廚藝。

雨僑日前舉行Fans Club聚會，雖然沒有唱歌玩遊戲，但她別開新面辦了個無麩質飲食烹飪班，更請來專業廚師到場教授健康餐，包括蘆筍湯、慢煮三文魚及焦糖香蕉。雨僑笑言決心在猴年惡補廚藝，做個入得廚房又出得跑道的時代女性，她說：「大個女啦！唔想再做地獄廚神，準備學廚藝，我覺得呢個cooking class好有趣，成班人一齊學煮幾好玩。」

過年期間，雨僑四出拜年，她表示坐巴士外出，途經不少屋邨及公園，順道欣賞香港景色，但卻發生一件烏龍事：「我搭錯巴士去咗機場，兜咗一大個圈，當係遊車河行大運，希望今年樣樣順利啦！」

撰文：陳以晴
from:http://hk.apple.nextmedia ... 160213/19489189