雨僑、羅力威窗邊食麵甜絲絲

1^# 大中小 young 發表於 2016-3-6 04:15 發短消息

雨僑前年終於承認同羅力威拍拖，但佢哋公開咗戀情之後，孖咇出入依然好避忌，除咗要戴帽頭耷耷，仲唔敢喺公眾地方十指緊扣，拍拖得嚟好低調。

現年30歲嘅雨僑同細佢一年嘅羅力威感情好穩定，日前佢哋又拍拖去咗大坑食日本拉麵，佢哋呢次又係做帽子情侶，一齊戴漁夫帽出動。當晚約7點幾，佢哋入咗一間拉麵店，仲揀咗窗口位對住坐，雨僑坐低就低頭㩒電話，羅力威就望實女友，及至侍應將食物送上枱，佢哋邊食邊傾偈，好有電視廣告見多幾面嘅老夫妻感覺，佢哋食咗約20分鐘就食飽飽，為咗慳時間，仲call定的士，等的士到咗門口先走人。

【冧住食】

雨僑同羅力威撐枱腳食拉麵，滿面冧樣。

DV圖片

【返愛巢】

返到寓所樓下見到唔少街坊，就冇再拖手。

雨僑幫新加坡旅遊局拍攝最新一輯旅遊特輯。

男友拎手袋

羅力威離開嘅時候盡曬男友責任，幫女友雨僑拎手袋，佢哋上咗的士即喺後座hea爆，的士火速返咗佢哋土瓜灣翔龍灣愛巢，羅力威畀車錢之餘仲繼續拎手袋，先落車嘅佢又等埋女友落車再幫手閂車門，非常體貼，臨上樓前，佢哋去咗便利店買嘢飲。不過愛得低調嘅佢哋，本來落車時人少少都有拖到實，但突然有街坊出現，佢哋又甩番手，警覺性真係好高。

採訪、攝影：畢紹基、吳耀輝
from:http://hk.apple.nextmedia ... 160304/19515253

廷伸閱讀/相關主題推介:

相關主題:羅力威雨僑

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-3-6 04:33 發短消息

羅力威見娘家沒落：好遺憾

羅力威昨日對亞視的現況感遺憾，他希望仍在工作的同事好。

曾經為亞視創造神話的羅力威，昨日在九龍灣出席活動，被問到亞視目前的情況，他說：「好耐冇人問我關於亞視嘅問題，其實當年參加完比賽（《亞洲星光大道》）之後，一直見亞視走下坡同退步，都有啲遺憾。我出身於呢個電視台，𠵱家冇咗，我覺得好遺憾，喺呢個情況落井下石同批評都係唔好，只係希望喺裏面做嘢啲同事大家好。」

林建明（大姐明）日前轟政府沒有保護傳媒界，羅力威坦言不懂回答這問題，不過再問會否為當日沒有發牌給港視而可惜？他說：「好多人覺得好可惜，我亦都係其中一個，雖然我本身冇乜點拍劇，但係作為一個有劇拍嘅人，都希望可以多啲工作，作為觀眾都希望可以有多啲劇欣賞，有多啲平台畀香港去發展。」至於林欣彤亦為亞視感可惜，她說：「我由細睇到大，好多謝佢能夠陪我成長。」

採訪、攝影：張俊銘
from:http://hk.apple.nextmedia ... 160305/19516880

TOP

3^# 大中小 young 發表於 2016-3-27 01:13 發短消息

羅力威拖雨僑遊母校

大前日羅力威蹺實女友雨僑返母校民生書院，參加開放日活動。讀者提供圖片
【爆相爆片】拍拖多年的雨僑同羅力威，雖然已經公開戀情，但每逢拍拖都好避忌，幾日前記者見到他們孖實在大坑食麵，全程戴住頂帽頭耷耷行街。

行街驚見到記者，但大前日羅力威帶女友返母校民生書院的開放日，以為學校冇記者駐場，竟然全程十指緊扣拖到實！前日讀者吳小姐透過本報「爆相爆片」，指二人拍拖重遊羅力威母校。吳小姐說：「我見到佢哋有拖手、蹺手，冇乜避忌，冇化妝嘅雨僑冇乜人認得，但見到有好多人搵羅力威影相，好受歡迎！」雖然冇人認得出，不過雨僑就看來沒有介意，不時拿着相機幫男友和fans影相，呢個女友認真唔話得。

採訪：王梓嫚
from:http://hk.apple.nextmedia ... 160309/19521385

TOP

4^# 大中小 young 發表於 2016-3-28 21:46 發短消息

雨僑諗定婚後減工作量

雨僑表示最鍾意去米埔觀鳥及睇海豚。

雨僑昨日在九龍灣出席零碳天地音樂會，日前有讀者透過本報「爆相爆片」稱羅力威拖女友雨僑返母校，雨僑說：「係呀，佢重返校園係好事，我間學校拆咗，如果唔係都想帶佢去。影相嗰個係中學同學，我又唔識，冇理由自己攝埋去啦。」感情如此穩定，會否考慮結婚？她坦言未準備好：「我仲係搏殺緊，又結婚又停工，好似好唔上進，都未做夠十年。」雨僑又透露如婚後有小朋友會減少工作，她笑謂：「畀我扮多幾年少女先啦，趁仲可以阿婆扮少女。」另一方面，最愛到米埔觀鳥及觀賞海豚的雨僑，希望可以做更多保育工作。

採訪：盧妹
攝影：陳志嵐
from:http://hk.apple.nextmedia ... 160312/19526046

TOP

5^# 大中小 young 發表於 2016-3-29 16:35 發短消息

羅力威跑步要傾偈

羅力威昨早與泳兒參加跑步賽，他稱平日有練跑。

羅力威、泳兒昨日在西九海濱長廊參加4公里跑步賽，阿威謙說希望跟得上泳兒，他並自爆平時不會獨自一人跑步，一定要有人作伴邊跑邊聊天。問到女友雨僑有否陪跑？他說：「佢都有跑開，但都係有男有女跑。」跟女友相比誰跑得快？阿威說：「男仔體能條件比較好。」

泳兒坦言擔心下着綿綿細雨反而容易滑倒：「會自己就住，減慢少少速度。」平日會否和男友拍拖跑步？泳兒笑言男友最討厭跑步：「佢鍾意打籃球同打機，試過佢玩電動車仔，我喺後面追。」她又謂近日天氣太潮濕，後悔沒買抽濕機，她說：「成間屋濕晒，大堂都出晒水，有兩次差啲跣親。」

採訪、攝影：盧妹
from:http://hk.apple.nextmedia ... 160321/19537848

TOP

6^# 大中小 young 發表於 2016-3-31 16:44 發短消息

雨僑畏高嗌到聲沙

雨僑噚日喺中環出席新加坡旅遊局活動，分享之前到新加坡拍旅遊特輯趣事，佢話：「最驚險係玩高空繩索，我有畏高，幾十秒過程嗌到聲都沙埋。」會唔會同男友羅力威去玩？雨僑話：「佢只係大膽過我少少，唔會玩太刺激嘅遊戲，所以我哋去主題公園都係負責幫朋友攞手袋同影相。」雨僑仲話同男友曾去陽光海灘之旅，但男友唔敢着三角泳褲。

撰文：馮仁昭

馮仁昭
from:http://hk.apple.nextmedia ... 160331/19551107

TOP