拉傷膝頭的雨僑，希望明日能順利完成賽事。
首次跑渣馬的雨僑，竟大膽挑戰半馬賽事，她說：「因為我參加咗真人騷，睇吓一個廢人喺4個月裏面，可唔可以捱到半馬。不過中間病過，𠵱家又傷膝頭哥，但自己點都會努力完成，雖然呢件事對我好似火星咁遙遠。」
之前雨僑練跑時因要避開障礙物，不慎拉傷了大腿，在賽前數日仍要看物理治療，她說：「醫生建議我唔好跑，但自己心郁想跑，我一定會堅持，因為我從來同運動絕緣，可以話係廢人一個，今次節目幫我報半馬，自己頂硬上，不過都會量力而為，唔會喺比賽猝死，盡量希望精精神神、冇穿冇爛咁完成賽事。」
跑馬拉松後是否愛上做運動？她說：「雖然做嗰幾個鐘點都辛苦，但身體強健咗好咗，呢樣難能可貴，希望將呢個習慣保持落去，3月、5月都報咗比賽，冇跑幾日好似好攰，跑吓精神啲，就算腳痛，跑吓又好似冇咁痛。」
採訪：皓騫
from:
http://hk.apple.nextmedia ... 160116/19453954
