雨僑、Mr.成員Dash、Dash孖生細佬譚健榮、商台DJ Donald和胡諾言等昨日參加半馬賽事，雖然雨僑成績為2小時54分，比一般人慢許多，但總算順利完成，勇氣可嘉。首度參加渣馬便跑半馬的雨僑在賽後說：「我從來未跑過步，係四個月之前接咗個真人騷，覺得公司好似玩我咁囉。早兩個禮拜先開始練，嗰陣仲跑緊6、7K，加上隻腳又受傷，所以整個過程都好辛苦。」雨僑指中段時間很大雨：「感覺到啲雨水係咁𠝹我隻眼，全身濕曬，鞋襪都濕曬，真係好辛苦，亦都係一個好寶貴嘅經驗。經過今次後，我都開始鍾意咗跑步，會繼續跑。」
跑半馬的Dash最終一拐一拐完成賽事。
Dash昨一拐一拐抵達終點，他表示因天雨路滑，起步時十分大雨及要避開人群，結果不小心扭親，他說：「比賽前一個禮拜已經扭到，諗住唞一個星期冇事啦，點知又扭親。其實頭1、2K已經覺得痛，我心目中有個目標，就係捱到西隧先，結果過到，但去到中環碼頭真係已經痛到頂唔順，好辛苦咁跳嚇彈嚇捱返嚟。」
from:
http://hk.apple.nextmedia ... 160118/19456242
