高鈞賢離開無線後自立門戶，與朋友投資過百萬進軍飲食業，在長沙灣開設居酒屋，主打串燒燒和牛。高鈞賢在舖頭由清潔、入貨、入廚、門面執枱工作一腳踢親力親為，體驗打工感受，實行「自己未來，自己揀」。廚藝了得的他由香港先生冠軍變做暖男，拿手整炭燒牛扒，現在逐步進發，未來希望開牛扒屋。
燒牛扒傷手
新舖試業一星期，高鈞賢每日下午已返舖頭打點，搬搬抬抬、開票收貨、再到街巿買餸已接近黃昏，高鈞賢日前說：「自己曾經做過生意，經驗話我知力不到不為財，自己都要有準備，例如個廚會請假又或唔夠人手時，自己都邊學邊做，日前燒牛扒時就burn到傷咗。」他隨即展示左手腕上的「戰績」。高鈞賢還自創了一道日式配料海鮮蒸，追趕潮食風氣，還有大量清酒在舖內坐鎮。
【冧掂商販】
高鈞賢和街市商販熟落，親民買餸，自然得到好貨色。
【揀選清酒】
高鈞賢認為舖內名為「粒粒辛苦」和「自言自語」兩支清酒最有意思。
高鈞賢05年獲選香港先生冠軍，現離開無線，作多方面嘗試。資料圖片
過往拍劇時身份被動等出糧，如今高鈞賢得到前所未有的溫暖和滿足感，他說：「𠵱家雖然有危機感，但食肆做得好即時睇到客人反應，我試過入廚煮嘢見到客人食曬，好大滿足感。」
眼見高鈞賢走到街巿亦頭頭是道，和菜販檔主打牙骹格價，高鈞賢笑說：「以前去街巿買完即走，𠵱家要行曬個街巿搵貨買嘢，最初都會唔慣要喺條街走來走去，但好多嘢忙你就唔會諗，而且佢哋好溫暖㗎，有時會計平我，尤其街巿豆腐檔阿姐同條街啲五金舖頭都會，呢啲係我以前拍戲時從未感受過嘅一面。」
採訪、攝影：卓寶花
from:
http://hk.apple.nextmedia ... 150828/19272375
