究竟留喺一間公司做足9年，人工由$15,000「升」到$25,000，銀行戶口得$50,000，揸二手波子，仲要供車供樓，係算多定算少？
9年前選首屆香港先生並摘冠嘅高鈞賢，跟無線簽下8年長約但演出機會並不多。監製話佢表現欠理想，猛回頭人已在雪櫃門口。高鈞賢前日接受本報訪問時直認，自己由第二男主角淪落到二打六，更被派做咗好多非禮女人角色。難忍被多年來投閒置散，高鈞賢決定約滿後離巢，孤身北上內地發展賺人仔。(新聞連結:
http://bit.ly/1sozleU)
不少網民其實都對高鈞賢有印象，皆因其真係青靚白淨几好樣，對師奶觀眾而言高鈞賢就更加係佢哋眼中嘅乖乖仔。見到高鈞賢捧住個紙箱離開服務9年嘅東家，盒裡面得fans為佢拍攝及多年來喺無線拍下嘅相片，仲有外套、籃球等，同埋一本由同事送畀佢嘅TVB週刊。咦，只係咁樣？
網民對於高鈞賢揸二手波子捧住紙箱黯然離開TVB議論紛紛，亦對於大台之冷漠無情頗感意外。事關就連嗰本TBB週刊，都係同事送俾佢。有網民就留言謂：「臨走連TVbuddy都冇隻，得本TVB週刊留念，證明TVB幾咁涼薄，SOSAD。」有人即溫馨提示佢話:「本週刊仲要係同事送」，也有人妙答:「仲唔夠黴，俾個Bloody想再衰落去？」
from:
http://hk.apple.nextmedia ... 140912/18863409
