現年48歲的謝天華一直恨生仔，今年二月太太Tina終為他誕下兒子天天（乳名）。日前Tina在微博透露獲周家蔚邀請參加泳池派對，上載咬住手指的天天與大義（家蔚細仔）的萌爆合照，令chok爸天華心也溶化，流露一副慈父表情。
天華享盡天倫樂，但似乎貪玩性格仍未改，09年曾被爆在夜場與LuLu（王璐瑤）影合照後激到太太入醫院。上週四天華又趁胡杏兒男友Phil有份投資的中環夜場PLAY舉行六週年慶祝派對，即來個大解放，相約傅明憲、莊思明等人去夜蒲，還被影到拖走一個36D巨胸女一齊乘的士離開。
天華自認是住家男，不用開工時，大部份時間都會陪伴囝囝和太太。
資料圖片
天華09年曾被爆在夜場與王璐瑤（左）影合照後激到太太入醫院。
資料圖片
巨胸女全程扶實
當晚凌晨3時許，飲到醉醺醺的天華與兩女一同步出PLAY，起初他都是自己chok住走人，邊行邊識得找欄杆扶住行，36D巨胸女就全程扶實他，不過兩個人就冇乜交流。最終天華與巨胸女先坐上的士後座，同行仲有位長髮女原本識做想自行離開，但忽然被叫停，長髮女擾攘一輪後自行坐上車頭，未知是否順路兜埋，還是來做「掩護」呢？
天華昨日在電話中氣定神閒，表示不怕老婆嬲，他說：「唔驚，嗰日係PLAY六週年，我太太都知我去。」有巨胸女同行離開？他說：「我唔知喎。」送兩個女仔返屋企？佢話：「呢啲係男士風度嚟㗎啫。」天華表示現在是住家男，如果不用開工，大部份時間都會留家陪伴囝囝和太太，並透露囝囝已經開始學爬，他冧爆說：「日日對住（囝囝）梗係開心，睇住佢每日都有進步。」
採訪：嵐山
from:
http://hk.apple.nextmedia ... 150827/19270851
