《神鎗狙擊》開播以來，劇情誇張，踩5吋高踭鞋、着deep V的徐子珊有不死身，令一套警匪片，被網友彈爆，慘變笑片。
據知《神》最初出的劇本頗精彩，可惜無綫硬捧親生女徐子珊，大刪周海媚戲份，加上無綫為節省資源，拍出來完全是兩回事。劇本更愈改愈唔合邏輯，監製關永忠冇眼睇，未有監場，激到劇中兩男主角謝天華與張兆輝頻頻詐型。不過你有你詐型，關永忠為怕得失無綫，聽完意見只作有限度修改。
今周《神》劇大結局前，男主角謝天華、張兆輝及海味全部缺席宣傳活動，一於無聲抗議。
唔合邏輯會反映！（真實對白）約滿離巢嘅謝天華，對於告別作被彈是笑片，他無奈咁話：「我哋控制到嘅嘢有限，要反映都反映過。今時今日唔好淨係睇香港嘅收視，內地嘅點擊率No.1㗎！」
監製關永忠直認今次上了寶貴嘅一課。「我依家開呢套新劇都有監場，啲人仲問我做乜日日都嚟。」
對無綫失望離巢的謝天華，對於告別作《神鎗狙擊》搞到一鑊泡，被網民插爆十分㷫。據知，謝天華曾因為劇本問題多次與監製關永忠發生衝突，更曾嬲到爆粗。而另一男主角張兆輝亦多次找監製投訴。至於女主角海味，因為戲份被刪，透過經理人Allie炮轟無綫。劇中三個重要演員，都對套劇極度失望，難怪不約而同缺席最近的宣傳活動，只剩下親生女徐子珊及岑麗香撐場。
天華寸監製冇監場求證謝天華，他說︰「現役中真係冇女飛虎，同現實有出入，我唔係同佢嘈係反映，唔合邏輯會反映……（個劇嘥咗班資深演員？）演員控制嘅嘢有限，只能小修改，大骨幹左右唔到。（徐子珊被插打不死。）演員好無辜，唔通第一集就炸死咩，個劇同我心目中係有出入。」
問到監製是否冇監場，初時天華扮唔記得，後來卻忍唔住暗寸︰「我掛住拍外景冇留意。（咁你有冇喺現場見過監製？）開鏡、拜神囉！（係咪罷宣傳抗議？）我嗰日返大陸做嘢，同TVB講咗。」
另一男主角張兆輝亦說︰「我哋開頭都有研究過，劇情都係虛構，整啲女仔出嚟係想有化學作用，但我就唔知化學作用喺邊？一路拍，劇本一路出，我都有上去反映，講就講咗差啲咩？但我唔係監製，講完都要去開工……有啲嘢好難控制，好似啲基本嘢，搵一個人咁，佢哋都講到好難。（咁你有冇喺現場見過監製？）拜神囉，仲有開廠。」問到缺席宣傳，他說︰「嗰日真係要開工，我之前次次嚟又唔見頒個獎俾我。」
好多嘢我哋控制唔到！（真實對白）忙緊開電影《恐怖在線》嘅張兆輝亦話：「要講都講咗，講完我哋要去開工，好多嘢我哋控制唔到。」
《神》拍咗三個多月，岑麗香竟然話：「拍咗咁耐，唔記得監製有冇嚟。」扮失憶啦，擺明置身事外。
10月3日《神鎗》的宣傳活動，謝天華、海味及張兆輝齊齊缺席抗議，只剩得徐子珊及岑麗香撐場。現場仲要咀埋老戲骨秦煌搶鏡。
監製呻好慘就多位主角詐型，關永忠透過電話回應︰「謝天華係有向我反映意見，佢接受唔到有『女飛虎』，但我哋做創作，希望套劇會唔同，想設計新啲角色出嚟，我覺得意見係要聽。至於我同輝哥食咗幾次飯佢都冇投訴，仲好幫手次次宣傳。（上次兩個男主角同海味都冇嚟喎？）海味喺北京，我問咗佢，佢話要飛哈爾濱。輝哥應承嚟，點知突然改咗通告。天華本身有工作，前兩次都有嚟。」
對於子珊角色被網民插爆，他解釋︰「我哋想套劇有突破，用咗成千幾個鏡頭，有動畫加插，可能觀眾接受唔到，我哋都好慘。我哋唔係求其，炒出嚟唔係個個啱食。（咁你有冇監場？）廠嗰啲咪有落囉！（你喺現場，個劇可能會好啲？）呢樣我又答唔到你喎！」至於徐子珊，截稿前未有回覆。
網友插爆
徐子珊被插着住5吋高踭鞋、Deep V做O記。不過七情上面嘅子珊瞓身演出，亦有網友讚佢好演技。
身手似超人
N次不死身
化行妝綁架
印度人生中國女
關永忠話原先做總統個女係搵咗一個印度女仔做，「個印度女仔拍咗一日，第二日call咗佢成日都搵唔到，人間蒸發咗。」
結局率先睇《神鎗狙擊》平均收視達26點，其實成績不過不失，比起之前歐陽震華及關詠荷的《情逆三世緣》還高，加上大陸網友點擊率高，所以唔少觀眾都會坐定定等睇大結局。
天華鎗下亡《神》劇開頭已經鋪排咗謝天華好想同張兆輝一較高下，大結局當晚兩位會生死決鬥，最後天華亦被張兆輝開鎗打死。
海味執番條命
個腦有子彈嘅海味，最後都冇死，但個劇冇直接交代佢同張兆輝有冇一齊，留番個想像空間俾觀眾。
子珊終死得
子珊為救海味，被匪徒開鎗打中昏迷，之前打不死嘅子珊，最終英勇殉職。
採訪、
