舊年唔再續約TVB，自組經理人公司「Laughing Workshop」嘅謝天華，呢期喺上海拍緊內地劇《爸爸是條龍》，雖然講咗bye bye，不過，拍緊嘅《爸爸》，TVBC（翡翠東方）都有份投資，可見謝天華同舊主關係OK。
上海多嘢食又多嘢玩，不過Laughing哥就步步為營，冇通告，大部分時間匿响酒店，最多係約吓劇組開飯。早排上海二五就見到Laughing約咗有份合作嘅演員，包括翁虹食晚飯，八點食到十點，跟住就返酒店，冇再出去。
連去夜場飲番杯都可免則免，謝天華自動波守行為，Laughing嫂Tina安樂晒！
同劇組人員包括有份演出嘅翁虹一齊食完晚飯，謝天華招呼所有人上車離開，先自己返去附近嘅假日酒店休息，好有風度。
雖然先後只拍過兩部內地劇，但07年謝天華參加湖南衞視《舞動奇跡》攞冠軍，儲落唔少fans。
撰文︰八珍
