現年47歲的謝天華（Michael）和老婆Tina結婚8年，據知兩夫婦終於成功造人，BB將於明年春天出世，昨日記者致電Michael求證，他初時支吾說：「唔……」其後禁不住喜悅親口承認：「係，有咗十幾週，都唔講住啦，你見我都好低調，因為屋企老人家話唔好咁高調住。」
避談太太人工受孕
之前有報導指Tina因輸卵管閉塞，令懷孕機會較微，有指Tina曾兩次接受人工受孕，可惜都失敗！問今次是否人工受孕成功？Michael沒好氣說：「唔好聽雜誌講，總之邊度都唔講住，屋企人意思等BB再大多少少先，因為𠵱家十幾週唔係太穩定，遲啲再穩定啲同大家講，你見我連微博都未post，最緊要等小朋友陀穩啲先。」
問到太太情況？Michael說：「作嘔作悶實有，但唔係好犀利。」是否停工照顧老婆？他笑說：「梗唔係，要賺多啲奶粉錢，自己一直有做家務，𠵱家更加要，佢粗身大勢唔好爬高爬低，我哋仔女都鍾意，冇所謂。」
呂慧儀前日在微博大曬小蟹籽坐BB車的相，笑言BB跟老公黃文迪上街一定型爆。
GiGi現正安心養胎，老公Sergio經常陪伴在側。資料圖片
GiGi明日親身報喜
另外，同樣初次懷孕的梁詠琪（GiGi）被影到大肚look，估計有孕4個月，日前她和西班牙籍老公Sergio拍拖到數碼港放狗，老公全程小心翼翼拖著她，現年38歲的GiGi推掉三部片約安胎，明日將出席活動親身報喜。
至於初為人母的長腳蟹呂慧儀，連日在微博曬小蟹籽坐BB車相，留言：「男人鍾意車，小蟹籽都好喜歡呢隻醒神的顏色，同爸爸去街街都型仔！佢影嗰陣唔肯瞓平，係要坐起身先鬼咁精靈，驚我影唔到佢個樣咁，試完車就瞓番。」
採訪：皓騫
From:
http://hk.apple.nextmedia ... 140918/18869575
