「牛雜妹」李美琪（Monnie）唔選港姐關心政改

1^# 大中小 young 發表於 2015-7-5 22:59 發短消息

相關主題: 港姐

年僅22歲90後的「牛雜妹」李美琪（Monnie）雖未能入圍選港姐，但對「袋住先」政改方案昨日以8票贊成、28票反對遭否決亦表示關注。

昨日Monnie如常到天后返工，她透露去年9月亦有參與雨傘運動，Monnie說：「記得我係發催淚彈之後一日落去，去過中環同金鐘幫手派生果，雖然爸爸有反對，但我覺得年輕一輩應該企出嚟。立場一樣嘅人都可以支持唔同嘅嘢，永遠唔會有方法令所有人有同一個諗法。大家都有批判性思考，我覺得香港人應該爭取到應有嘅民主，我自己都希望爭取民主。」不過，成功進入港姐複試的10A狀元兼劍橋生麥明詩（Louisa），雖曾立志做女特首，但昨卻避忌一言不發。

Monnie曾參與雨傘運動。互聯網圖片

秋生認為人類文明會令社會改變。

邵仲衡認同近年港人言論縮窄。

秋生寸建制派講大話

黃秋生昨日在九展宣傳舞台劇，對於立法會表決時，建制派忽然拉隊離場令政改方案僅得8票贊成，他忍不住寸爆建制派呃鬼食豆腐，更爆seed說：「就好似拎菜刀喺銀行門口行來行去，有警察嚟問就話：『咩呀，我啱啱執到，唔得呀？』」秋生對重啟政改十分有信心，並說：「世事冇話永恆嘅，當人變得文明，有啲嘢就會改變。」

邵仲衡、何韻詩和周博賢看到表決後即在facebook留言，邵仲衡說：「香港，始終最好！」他在電話中補充：「我開頭都唔贊成通過，即使通過咗又點啫，我哋香港人繼續做番我哋嗰套，唔好盲目人哋點講我哋跟住點做。」阿詩特別留意被指因遲到而累建制派拉隊離場的劉皇發的表情，她寫道：「發叔個樣表示：『關我咩事？』」

採訪：嵐山、溫敏芝、盧妹
攝影：陳順禎、陳俊強
from:http://hk.apple.nextmedia ... 150619/19189185

廷伸閱讀/相關主題推介:

相關主題:港姐

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-7-7 10:44 發短消息

牛雜妹跟蕭定一傾約

「牛雜妹」李美琪洽談合約事宜會交由家姐處理。

落選港姐「牛雜妹」李美琪（Monnie）昨日在家姐陪同下，到蕭定一位於鰂魚涌的公司面試。穿上白色上衣露腰兼透bra的Monnie，洽談了個多小時才離開，問到她是否跟蕭定一簽約？她說：「同蕭生傾吓自己未來嘅路可以點行，佢係個好有見識嘅人，無論最後係咪合作都好，佢嘅說話我畢生受用。」問Monnie有傳斟介她的其中一個條件，是在開新片中安排她偶像張智霖合作？Monnie說：「未傾條件，如果有機會合作當然開心，但太長遠喇，自己亦都想同唔同前輩合作。」她透露現時有多間公司同時向她招手，而洽談事宜會交由家姐負責，她還指早前已為余迪偉新書拍攝了一條宣傳短片。

此外，早前宣佈退選的巨胸港姐Mandy，原來早前已為自己前程作好打算，早於本月9日她已在fb個人戶口貼出美國加州著名大學UC Santa Barbara（簡稱UCSB）的入學通知書。將於該學修讀會計及經濟的Mandy，更留言開心得要飲用水慶祝。

採訪：盧妹
攝影：黃曉程
from:http://hk.apple.nextmedia ... 150627/19199585

TOP

3^# 大中小 young 發表於 2015-7-9 10:48 發短消息

牛雜妹灑淚誓搵錢養父

牛雜妹李美琪最近人氣上升，但至今仍未決定會簽哪間公司。攝影：陳俊強
現年22歲的「牛雜妹」李美琪（Monnie）失落港姐入圍資格，卻因一篇網絡日誌，表示以爸爸賣牛雜養家而自豪，感動人心。她日前在尖沙嘴接受本報專訪，她直認是小康之家，屋企有樓，但仍希望以一己之力送層樓給爸爸，她說：「好想買間有會所泳池嘅樓畀爹哋，好想搵大錢養屋企，就算未買到樓，都希望老竇唔使再因為要請多個人，每月使多萬幾蚊而覺得肉赤，手腳淥到損晒、發燒都要自己做，我好想自己有能力，唔想佢唔舒服都……」牛雜妹此時忍不住落淚，哽咽續說：「我覺得自己好冇用，搵咁少錢，佢成日都話等埋我出身就可以冇咁辛苦。」

牛雜妹自爆曾患抑鬱，提到未能賺錢養家，忍不住爆喊。

Monnie尤其喜歡食甜品，試過暴飲暴食至138磅。互聯網圖片
曾抑鬱狂喊

Monnie曾在英國讀書，但又不想家人花錢供自己出國，寧願做兼職半工讀，她說：「嗰邊讀書，較有錢嘅人鍾意clubbing，揸靚車周末去玩，好多人覺得有張證書好重要，但我份人較硬頸，唔覺得有百幾萬讀3年有乜得着，最後讀咗1年就返香港。」回港後又讀過大學，但眼見學生走堂情況嚴重，令她最終退學，一時間令她好迷失，她說：「有段時間狂食甜品，又會無啦啦自己喺度喊，覺得對唔住家人，係有啲抑鬱，但冇睇醫生，只有家姐知道不停鼓勵我，好多謝佢。」

Monnie（左）昨日獲邀為劉俊輝新片試鏡，與楊子瑤圍讀試戲。

齊昕已賠錢

如今Monnie已重新出發，繼與張建聲拍愛情短劇後，昨日再在荃灣為劉俊輝執導的《男極探射燈》試鏡，並與女主角楊子瑤圍讀試戲。據悉Monnie的角色是飾演一名了解性工作者的社工，屬第二女主角，她說：「未知接唔接，要返去研究劇本先，只係唔想第一部自己真正嘅電影貿然做決定，會同家人商量。」問會簽邊間公司？她說：「都想快啲落實，自己都負荷唔到咁多客人。」而劉俊輝透露梁齊昕上月已為辭演賠錢，不會再追究事件。

採訪：嵐山、張俊銘

化妝：Cat Yeong of Gingko makeup
服裝：UNNI of314
場地：泰斗Thai Master
from:http://hk.apple.nextmedia ... 150703/19206332

TOP

4^# 大中小 young 發表於 2015-7-9 12:23 發短消息

牛雜妹落選更搶手

「牛雜妹」李美琪表示入娛樂圈發展是自己夢想。

有牛雜妹之稱李美琪（Monnie）雖無緣參加大台選美，但瞬即成搶手貨，分別有多間公司洽談，她已準備好在娛樂圈發展個人事業，昨日牛雜妹到灣仔dbc數碼電台受訪，對於有報道她將會加盟蕭定一旗下的公司，牛雜妹笑言可以肯定是不會考慮亞視。

牛雜妹希望在娛樂圈有好發展，她說：「係自己夢想，𠵱家向夢想進發，有同蕭定一溝通過，但未簽約，想搵間同自己意念相同公司。」至於發展意向，牛雜妹已鎖定不會走性感路線，並說：「相信蕭生覺得我有能力的話唔會規虧待我。」

採訪、攝影：卓寶花
from:http://hk.apple.nextmedia ... 150708/19211717

TOP

5^# 大中小 young 發表於 2015-7-16 13:59 發短消息

牛雜妹辭工後日Last day

「牛雜妹」李美琪同《狂舞派》演員劉敬雯，噚日喺中環出席美容店開幕活動，牛雜妹話做facial同護膚係佢至愛，最近仲開始做運動，佢話：「我骨大，想手腳纖細同結實啲，不過近排飲食都冇乜節制，自己好為食，所以要做番多啲運動keep fit，迎接未來新工作。」牛雜妹之前自爆會簽約蕭定一公司，佢仲辭埋廣告公司份文員工，返埋後日就甩身。

撰文：馮仁昭

馮仁昭
from:http://hk.apple.nextmedia ... 150715/19219459

TOP

6^# 大中小 young 發表於 2015-8-15 17:12 發短消息

喪食惹的禍牛雜妹腸胃炎送院

有牛雜妹之稱嘅李美琪（Monnie）失落港姐入圍資格，卻因一篇網絡日誌，表示以爸爸賣牛雜養家而自豪，感動人心，Monnie日前同女友人去咗食韓燒，2個女人仔食咗4人份嘅食物，Monnie當日都話飽到要買消滯丸食，不過，似乎食到飽，仲去朋友搞嘅party食生冷嘢，返屋企冇耐就被送入醫院。

Monnie昨日在Instagram貼出一張打完吊針用棉花遮住傷口嘅手仔相，留言：「昨晚是我人生中一個很恐怖的經歷，第一次被送進醫院，第一次要打吊針。謝謝媽媽和哥哥下班那麼累還一直陪在我身邊，謝謝姐姐照顧我，還有爸爸一早買了3碗粥和3袋麵包放我桌上⋯⋯大概我把他們都嚇壞了⋯⋯我答應您們我不會再不聽話亂吃東西了，我要做個健康寶寶。」

昨日本報都有向Monnie致電求證，問佢發生咩事，Monnie話：「我同friend食完韓燒之後，可能食得太多嘢，個胃已經有啲唔舒服，噚日已經覺得有啲揦住揦住，因為約咗人去party，唔記得自己唔舒服，生凍嘢又食，熟嘢又食、三文魚刺身又食，搞到自己咁。」Monnie又要指，自己嚇親屋企人，要屋企人半夜送佢去醫院，問佢當時心情點，佢稱：「初初都好驚以為食物中毒，因為我又屙又嘔得好犀利，仲要發燒，我都擔心，最尾醫生話係腸胃炎，我打咗吊針休息咗。」目前使唔使食得清淡啲，佢就話：「係呀!不過我個營養師朋友，佢就同我講依家呢個階段，唔使食得特別超級清淡，間唔中食得正常嘅嘢，食啲自己鍾意食嘅嘢放縱咗。」
from:http://hk.apple.nextmedia ... 150811/19251102

TOP

7^# 大中小 young 發表於 2015-9-3 11:41 發短消息

牛雜妹節食騷事業線

李美琪（牛雜妹）昨日在會展擔任示範化妝的模特兒，首次行騷的她穿上低胸晚裝，稍露事業線，牛雜妹指打扮意識正常兼健康，而她更為行騷節食數天，她說：「呢幾日都係食烚菜同水果。」她表示仍在考慮簽經理人公司的問題，希望有更多了解再下決定，她說：「傾緊合約，𠵱家機會多咗，好多工作都未完成，所以想了解耐啲先。」
from:http://hk.apple.nextmedia.com/entertainment/art/20150830/19275117

TOP