松岡李那承認見過家長，更讚林德信媽咪和阿Lam。
自從林德信與日模松岡李那傳緋聞後，兩人一直對外宣稱只是好朋友，不過近日戀情似乎有浮面迹象，林德信承認松岡出席家庭聚會，爸爸林子祥（阿Lam）更爆松岡大食。昨日兩人與谷祖琳、劉心悠、鄭欣宜、連詩雅等人在亞洲國際博覽館出席慈善活動，為思覺基金籌款。
松岡拒浪費常打包
貴為星級導師的林德信，雖然與松岡同場，但兩人拒絕合照，事後松岡說：「今日唔係時候，下次先啦，唔係怕醜尷尬。」她承認見過林德信的家長，更賣口乖表示：「佢媽咪好開通有趣，我都想有個咁樣媽咪。佢爸爸係really cool guy。」問她母親節時會否與林媽媽慶祝？她笑笑口說：「我嗰日會到美國工作，佢媽咪喺洛杉磯，但係冇時間探佢，不過都會打電話祝賀佢。」被爆大食的她聽到「口大食窮郎」的意思後笑說：「真㗎？我會煮埋畀老公食，一齊食。我會食埋佢食唔晒嘅食物，因為唔想浪費，所以經常打包。」
直認在活動上有𥄫女的林德信，就坦言不擔心松岡呷醋並說：「今日係all girls慈善活動，冇得呷醋，亦唔關我事嘅，係受邀出席，總之享受啦，不過喺後台好多女仔，戴住副超𥄫𥄫𥄫，自己有啲怕醜。」
【合照相遇】
林德信與松岡在大合照時相遇，他一直望住女方和搭話。
【保持距離】
大合照時，松岡走到最側，更隔着蔡穎恩和Super Girls成員Heidi，與林德信保持距離。
心悠未ready有男友
同場的劉心悠表示已完成手頭上的工作，可以有一個假期同家人相聚，但講到會否找個男友拍拖？她耍手說：「搵到個合適對象都要我自己ready好，𠵱家遇到都會對對方唔公平，情願唔好遇到住，自己唔太急。」
採訪：卓寶花
攝影：陳順禎
心悠BB稱未準備好搵男友，而她的假期將與家人度過。
欣宜做瑜伽姿勢做到伸脷。
from:
http://hk.apple.nextmedia ... 150504/19134526
