Liddy飾演的《四非》女主角，無論心理生理的戲份都極具挑戰，掙扎一輪才決定豁出去參演。
攝影：沈健程
李悅彤（Liddy）與彭順的禁忌之戀，在西九龍的圓方一吻，令她成為娛樂版頭條，圓方亦因而跟她拉上關係，成為情感的禁區。為電影《四非》宣傳，Liddy再次踏足圓方，景物依舊、人事已面目全非，在新片中自閉又要裸露，她說：「我憎晒全世界！」
撰文：譚倩宜
是巧合或是故意？專訪竟在李悅彤「成名地」圓方進行，當日跟彭順在戲院前激吻，頓成娛樂頭條，難免令人好奇她重遊舊地的心情。「估到你會問呢個！」帶笑回答的Liddy，坦言自己是首次重臨，提及「圓方」二字時表情百感交集，她想了想才說：「望住圓方呢兩個字種感覺係『哦，咁囉。』冇乜特別，一個好靚嘅商場，人生好難得嘅經驗。」
Liddy稱自己要向前看，過去的不欲多談。早於圓方激吻前，演出彭順徒弟黃柏基執導的《四非》，外傳因彭順的關係她才當上女主角。問Liddy若再遇彭順，可會感到尷尬？Liddy即斬釘截鐵說：「我覺得唔會有機會再見面。人生好壞嘅事都要去嘗試，經歷過就得，從中學到一啲嘢先係最重要。」
Liddy笑言能看到周柏豪的全相，再辛苦也值得。
憎晒全世界
電影《四非》中，Liddy扮演靠出賣肉體維生的少女，兒時因目睹母親被殺，令其性格變得扭曲。由於戲內有多場大膽情慾戲，Liddy坦言掙扎了數天應否辭演：「無論內心戲定肢體戲，我都考慮咗好耐。因為呢個角色好黑暗好多內心戲，如果淨係肢體上可能仲容易啲。」
為演好角色，Liddy特意參考了《骨肉同謀》、《龍紋身的女孩》等電影，開拍前又斷絕外界接觸：「嗰陣我收埋自己，全日黑口黑面，媽咪見到我都嚇親，我同佢講為咗要入戲，所以憎晒全世界。」Liddy更要說服自己，豁出去演繹連場情慾戲份：「我從未拍過呢啲戲，講得難聽啲，我喺呢行霉咗咁耐，一拍戲就拍咁具爭議性嘅場面，都擔心觀眾會唔接受。」所謂豁出去，是不論露股沖涼，或是露半球半裸換衫，均以真身上陣：「我怕觀眾以為我用替身，所以沖涼同換衫嗰兩場，我特登擰轉頭畀大家見到，等大家知道係我，不過今次真係底線喇。」
好無安全感
由於戲中不乏裸露、自慰及手淫等戲份，Liddy說拍攝時十分尷尬：「最尷尬係一場我瞓喺柏豪下身，邊幫佢手淫，邊用眼神去挑逗佢，因為面對面見到大家，真係好尷尬。」但她卻指此場戲是自己最愛的一場：「場戲要靠眼神去交代，我覺得淨係用對眼嚟做戲係好難。」她又透露另一場出浴戲，由於拍攝的浴室相當簡陋，加上要冒着走光的風險，故亦非常難忘：「場戲講我沖涼，所以即使我貼好晒乳貼防走光，但啲水同梘液搞到個乳貼不斷甩，令我好無安全感。」
上年在圓方與彭順「一咀成名」，Liddy說上了寶貴一課。資料圖片
Liddy（左）為投入角色黑口黑面，嚇到母親以為有大事發生。資料圖片
《四》片又特意遠赴泰國垃圾山取景，Liddy忍受惡臭之餘，更要抵禦蒼蠅的突襲：「嗰度比香港將軍澳工業邨聞到嘅仲要臭十倍！地上面嘅水氹，會好似煲緊咁出水泡，就咁踩住地幾分鐘，腳甲已經黑晒，同埋成日會有烏蠅圍住你，諗起都打冷震。」Liddy笑指幸好於垃圾山拍攝時，能看到柏豪全裸，故再辛苦亦是值得。
場地：Grand Central Bar& Grill
from:
http://hk.apple.nextmedia ... 150314/19075297
