李悅彤Liddy戀情有著落？斯文男搭膊捉手去酒店

去年本報獨家直擊彭順與李悅彤（Liddy）同遊圓方，兩人又攬又咀，上完C1再上A1，全城轟動。事隔一年，Liddy早前出席活動表示，0依家有男仔追佢，但畀佢拒絕咗云云。

昨日傍晚六點左右，見到Liddy同一名身穿西裝褸及牛仔褲嘅斯文男，現身銅鑼灣時代廣場，而Liddy打扮與去年「圓方事件」差唔多，都係黑框眼鏡﹑恤衫﹑熱褲及波鞋，只係今次多咗頂帽。

Liddy同斯文男上咗連卡佛二樓睇男裝，當時男方專心揀恤衫及西裝褸，Liddy就坐埋一邊喺梳化玩手機，斯文男見到啲款靚時，有走埋去問Liddy意見，其間仲隱約聽到男方叫Liddy做「老婆」，揀咗半小時後，由男方埋單，離開時斯文男輕搭Liddy膊頭，而Liddy亦笑曬口，幫男方拎戰利品，搭扶手電梯時，斯文男仲疑似輕摸Liddy大髀，兩人似乎甚熟落。

之後兩人到時代廣場食通天其中一層，撐枱腳嘆意大利菜，兩人喺門口排隊等位攞飛，唔知講咗啲乜，好似有啲面左左，不過好快冇事。醫飽肚後繼續行街，其間兩人唔係好熟路，Liddy想過馬路時，斯文男捉實佢玉手行返行人路，相當細心，男方先陪Liddy去買化妝品，並由男方付款，然後兩人再去白沙道睇波鞋。

斯文男試咗約廿分鐘左右，揀咗幾對鞋，最後撲槌買咗一對，買完鞋兩人就行返去銅鑼灣皇冠假日酒店，唔知去酒店做乜呢？

《蘋果》致電Liddy，問佢係咪拍拖？Liddy表示：「普通朋友，行街啫。」見到兩人上酒店？Liddy則解釋：「飲嘢啫。」問到斯文男係咪追你？有冇發展機會？Liddy就話：「唔知係咪追我，冇諗呢個問題，0依家對感情唔係好確定。」係咪有陰影？佢話：「唔係咁信愛情，件事影響太大。」
from:http://hk.apple.nextmedia ... 151031/19354775

【搭膊行街】

Liddy前晚與已婚斯文男Ivan現身銅鑼灣，Ivan更搭住Liddy膊頭shopping，有講有笑。

DV圖片
去年本報獨家直擊彭順與Liddy同遊圓方，兩人又攬又咀，幸彭順終獲老婆李心潔原諒。事隔一年，Liddy前日傍晚6時許，與一名身穿西裝褸及牛仔褲的斯文男現身銅鑼灣時代廣場行街。昨日有讀者報料指Liddy的疑似新歡原來是澳門富二代鮑偉業（Ivan Pao），年約30多歲，已婚並育有一子，Ivan跟好多圈中人熟稔，曾與太太一起出席鍾鎮濤婚禮。

Ivan被爆是人夫，家中有位賢妻兼得意囝囝。

讀者提供圖片

【輕摸大髀】

落電梯時，Ivan的手疑似輕摸Liddy大髀，兩人似乎甚熟絡。

DV圖片
「唔知係咪追我」

Liddy與Ivan先在連卡佛看男裝，其間隱約聽到男方叫Liddy做「老婆」。Ivan與Liddy多次有身體接觸，Ivan買完西裝即搭住Liddy膊頭，搭扶手電梯時，Ivan又疑似輕摸Liddy大髀。之後兩人到附近嘆韓國菜，醫飽肚後繼續行街，當Liddy想過馬路時，Ivan更捉實她玉手拉她返回行人路。之後兩人買完化妝品再睇波鞋，全部由男方付款，然後再一齊去皇冠假日酒店。記者前晚即時致電Liddy，被問為何上酒店？Liddy說：「飲嘢啫。唔知係咪追我，冇諗呢個問題，𠵱家對感情唔係好確定。」是否有陰影？她說：「唔係咁信愛情，件事影響太大。」

【嘆韓國菜】

Liddy與Ivan到時代廣場樓上的韓國餐廳撐枱腳。

DV圖片

【捉實玉臂】

Ivan見Liddy亂過馬路，即一手捉住對方手臂拉回行人路。

強調不是第三者

不過昨日被爆Ivan已婚後，Liddy即改口風，強調自己不是第三者，她說：「佢太太知我哋係friend，普通朋友唔會誤會。」Liddy透露兩人相識僅數月，報道後有傳短訊給對方道歉。問為何被叫老婆？她解釋：「佢叫我花名『肥婆』，我講笑話我好肥，佢咪叫我肥婆囉。」又被捉手過馬路？Liddy再說：「佢驚有車叫我唔好行，普通朋友唔會有親暱動作。」她直言亦有留意Coffee新聞，笑說：「唔知點解好似好有緣份。」

採訪、攝影：羅德光、黃曉程、畢紹基、楊浩賢、陳辰
from:http://hk.apple.nextmedia ... 151101/19355434