貓咪不僅是寵物，還是慰藉心靈的好伴侶。李悅彤（Liddy）曾戀上已婚彭順而背上小三之名，最後彭順重投太太李心潔懷抱，跟Liddy斬纜。Liddy情傷還未癒，父親李德仁又吞槍自殺，短短一個星期，Liddy失去愛情也失去親情，連番打擊幾乎將她一鋪打沉。可幸Liddy身邊還有「咕力」對她不離不棄，說的是Liddy的6歲雄性異國短毛貓。
人貓同病相憐
曾陷人生谷底的Liddy，早前接受本報專訪，她表示：「嗰段時間我好唔開心成日喊，佢（咕力）好似feel到，永遠都坐喺我身邊，靜靜伏喺度，望一望電視，又望一望我，會feel到佢其實安慰緊我。」她邊摸著咕力邊說。
Liddy因與已婚彭順拍拖，而背上小三之名。
資料圖片
對於擇偶條件，Liddy直言愛錫動物的男生會加分。
原來咕力也曾失去至親，Liddy感慨地說：「咕力本來有個太太花花，係三色貓波斯貓，點知第一胎難產，4個BB生出嚟就死曬，跟住第二胎終於生咗4個仔女，點知冇幾耐跳樓死咗，真係好坎坷。」當年花花跳樓意外，Liddy自責是她與家人大意所致，她說：「屋企有個好高氣窗，諗住高應該冇乜嘢，點知好奇真係害死貓，佢用個頭推開隻窗，最後跳咗落街，連屍骸都搵唔到，我喊得好犀利。」
可曾想過為咕力搵個「爹哋」？Liddy扮作咕力答道：「呢啲阿媽你話事啦，阿媽都未知，我點可以咁奢侈話要爹哋呢？隨緣啦，經歷咗咁多嘢，愛情事業我都隨緣。」
貼圓圈膠紙完全不能召喚咕力，反而是Liddy把牠抱進來。
鞋盒對咕力也沒有吸引力，牠看了兩眼就轉身走了。
貼圈招貓失敗
受訪當日Liddy又即場進行最近在網上爆紅的快速召貓招數，嘗試在草蓆或榻榻米上用膠紙貼出一個圓圈，引咕力乖乖的走進圈內，但咕力始終不肯走入圈內，當Liddy抱牠進圓圈，牠總是極速逃走，未肯就範。
採訪：魯吉
from:
http://hk.apple.nextmedia ... 141209/18962341
