近年北上發展嘅陶大宇，發展似乎未見起色，噚日佢喺微博就po咗張另類「驚嚇」相，就係佢喺內地節目《年代秀》嘅相，現年51歲嘅陶大宇，著住套藍色制服，扮漫畫《名偵探柯南》嘅7歲主角「柯南」，真係.....就算佢扮返原本17歲嘅工藤新一，都完全冇說服力囉﹗
不過呢啲綜藝節目都係扮鬼扮馬，搞下對戰趣劇，氹觀眾開心，最重要係有糧出嘛，如果叫陶大宇返娘家TVB上《扮嘢王》扮鬼扮馬，唔知佢又制唔制呢？最重要係，唔知有冇騷錢，如果到時俾個旅行插蘇佢當酬金，真係唔知好嬲定好笑喇，有汗出冇糧出好慘o架嘛。
不過當晚除咗佢本身係一個亮點外，同場仲有佢嘅舊拍檔「高婕」郭可盈呀!「張大勇」同「高婕」當年勁受歡迎，內地觀眾好多都識o架!
連佢自己都喺微博話:「張大勇終於可以和高捷碰面啦今天一起錄影節目(年代秀)，過程非常開心和愉快，可盈我們一起再加油!」
from:
http://hk.apple.nextmedia ... 140924/18877237
