你𡁻完鬆！（設計對白）
你因愛成恨呀！（設計對白）
因狐妮郭羨妮介入，○七年決定拋棄糟糠黃慧寶（阿寶）的陶大宇，當年甘願一力承擔負心漢之名，處處維護郭羨妮，令兩人事業同告插水。大難臨頭，決定各自飛的郭羨妮，寧保事業，避走加拿大兼飛起失婚大宇。
離婚接近兩年，陶大宇早前公開承認與前妻破鏡重圓，並公開明踩舊愛郭羨妮係「蕩花」。據知陶大宇如此口出狂言，全因被狐妮飛完又飛，才因愛成恨趁機大報復。
陶大宇跟前妻阿寶低調復合，○八年初，二人被拍得雙雙送朋友機，之後大宇再返回阿寶家過夜。（《忽然1 周》圖片）
去年九月，本刊拍到阿寶在寓所露台跟飼養多年的愛犬「大佬」
涼，跟大宇復合後的她心情明顯大好。上週日，她就現身廚房，全日未有外出。
低調復合
上週二（二月十七日）陶大宇為新劇《掌上明珠》試造型時，稱呼前妻阿寶為女朋友的他，表示二人已破鏡重圓，生活比以前更開心。但提到當日令他拋棄糟糠的郭羨妮，近日被捲入「蕩花風暴」，陶大宇即刻踩多兩腳：「我覺得一嘅都唔意外，正常呀！佢太多呢類新聞。」句句有骨，嚇呆在場記者。
事實上，阿寶跟陶大宇已復合一年多，但雙方仍維持各自生活模式，阿寶現入住由陶大宇支付每月五千多元租金的西貢三杯酒村屋。週日（廿二日）假期，深居簡出的阿寶整日均未有外出，只不時進出廚房傾電話。
「大宇同阿寶雖然復合，但佢哋好低調，喺朋友面前好少提對方，舊年Bobby （歐陽震華）生日開party ，兩個拍住拖嚟，不過去到就分開坐，班朋友唔會八卦追問，因為唔想俾壓力佢哋。大宇好有誠意同阿寶好番，仲諗過再結婚，不過阿寶好多顧忌，始終有條刺，反而大宇屋企人唔贊成復合，事關阿寶有個女二十歲（與前夫所生），冇諗過幫陶家生小朋友，所以大宇都有壓力。」知情者說。
蔡子健捲入「鹹豬手」事件，郭羨妮則被指為蕩花，據知蔡視郭為女神，在家中藏有她的相片，難怪同場出現，男方都以傾慕眼神望住女方。（《蘋果日報》圖片）
二人在拍《學警出更》時戲假情真，大宇更為郭羨妮減肥扮後生，之後跟阿寶離婚。（《FACE 》圖片）
跟郭晉安（左）、馬國明（中）合作第二集《古靈偵探》，郭羨妮再沒有傳出緋聞，擺明收心。
郭羨妮被罰放逐後得樂易玲力撐，一劇接一劇，樂易玲更指陶大宇要小心「蕩花」言論，不要影響其他藝人。
應有此報
據知，陶大宇對郭羨妮由處處維護變成反轉豬肚，與狐妮以陰招拆散他與前妻復合有關。「狐妮當日為保事業，一個人去咗加拿大，完全冇理過大宇，搞到大宇好傷心，事隔幾個月後，佢知道大宇追番阿寶，就即刻日日send 短訊企圖復合，其實目的係求搞散佢兩公婆，當時大宇梗係心軟啦，咪又同番佢一齊囉。」知情者說。
但翻撻不足一個月，陶大宇再度被郭羨妮叮走，更單方面向記者宣布二人只有同事關係，連朋友都稱不上。因愛成恨，被舊愛指實至名歸做「蕩花風暴」主角的郭羨妮，翌日（二月十八日）馬上隔空還擊，直指陶大宇不懂尊重別人，更不排除作出法律追究。
「當年狐妮逼得阿寶好慘，唔准大宇養佢，搞到阿寶要由跑馬地搬去西貢住村屋，仲要做sales 賣護膚產品賺錢養自己，所以今次大宇咁樣話狐妮，阿寶身邊一班朋友都拍爛手掌，覺得狐妮應有此報。」知情者說。
