歌手雨僑日前飛往美國拉斯維加斯登台做騷，同場還有李思捷。雨僑跟思捷趁演出前特地走到酒店最高位置，觀賞拉斯維加斯最有名的夜景，兩人更不忘「集郵」留念。當晚二人就在酒店的泳池旁演出，一邊睇夜景一邊為歌迷獻唱。掛在大街外牆的大電視更轉播整場演出，不少途人欣賞到他們的表演。雨僑一見到自己個樣亮相在大電視時，頓覺感動：「唔係誇張，真係覺得感動，仲有光宗耀祖嘅感覺！」她又透露自己細個有來過拉斯維加斯旅遊，但今次是首次以工作名義來到當地，為有機會演出而感到榮幸和開心，更大讚當地的製作既專業又盛大！
拉斯維加斯夜景盡收眼底，雨僑都不忘集一集郵。
瘋狂血拼喪食
難得來到拉斯維加斯，雨僑當然唔會放過行街的機會，更去了outlet血拼！她笑言當地有很多品牌都比香港平：「真係忍唔住手，荷包大出血，返到香港要努力工作！」除了行街買嘢，在美食當前，雨僑都抵擋不住誘惑，坦言好擔心會增磅，但人在異鄉，當然食咗先算！
睇中黃金面膜
而身為美容達人的雨僑，除了瘋狂購物外，當然有留意美容產品。今次雨僑特別去搜購面膜，更睇中一塊要六、七千港元的黃金面膜，但最後因為價錢太貴，所以最後都忍手。另外，因為美國當地天氣十分乾燥同猛太陽，就算雨僑做足防曬措施，勤敷保濕面膜，但仍然抵受不住，明顯曬黑了不少。
血拼完的雨僑表示荷包大出血！
雨僑和李思捷當晚邊睇夜景邊獻唱。
文：音樂組
From:
http://orientaldaily.on.c ... /00282_066.html
