無綫藝員林芊妤（Coffee）為早前Gathering事件，昨日返無綫被高層樂易玲「照肺」近兩小時，最終難逃被解約命運。據知，無綫已向她發放了餘下約6萬元薪酬，但她離開時卻要求記者不要「跟車」：「唔想嘥錢兜圈！」
Coffee向傳媒鞠躬示意，被問為何在殘廁「Gathering」則神色凝重拒答。
林芊妤（Coffee）與富二代在殘廁「Gathering」後，昨日首次返無綫向高層樂易玲交代事件。作「清純」打扮的Coffee，比原定的11時45分遲了5分鐘抵達，並頭耷耷以箭步衝入電視城行政大樓，懶理所有提問，只向傳媒鞠躬示意讓她內進。
獲發六萬蚊
Coffee被樂小姐「照肺」約兩小時後離開，據知無綫已向她發放餘下合約期內約6萬元薪金。她說：「好多謝公司6年嚟嘅栽培，今次係好大嘅教訓，亦係好大嘅誤會，發生呢件事應該第一件事返公司解釋，但自己係小朋友冇好好處理。公司對我好好，好多謝呢段時間真係關心我嘅人，好感動，畀啲空間我同屋企人啦。」Coffee承認已解約回復自由身，生計未有打算，問會否向導演錢國偉求助？她說：「佢係我大恩人，但依家身心都要抖一抖。（同富二代有聯絡？）唔回應。（佢係你男友？）呢啲唔講。你哋唔好跟我車，我啱啱失業，唔想嘥錢兜圈，大家幫我慳番啲錢啦，我點都唔返屋企。」
11:50am
準備受靶
1:55pm
宣布被炒
2:20pm
保安護駕
3:30pm
借警甩身
召的士兜圈
Coffee否認在微博暗寸樂易玲，並以電召的士離開，但一度（火羅）爆上錯車。登上的士後，她帶傳媒「遊花園」，當駛到西貢區一個獨立屋屋苑，突然有多名保安以雨傘和人牆遮着的士「護駕」，又向傳媒爆粗兼阻止傳媒離開，其後的士駛至深圳灣邊境，趁傳媒被警方查問時速逃。事後Coffee在電話中說：「樂小姐冇鬧我，仲分析番我處理事件唔成熟。佢認同今次係我私事，我亦解釋咗唔係我炒作新聞。（被炒？）尊重公司決定。（有喊？）就算喊，係因為自責，依家要戒酒。（之後工作？）教瑜伽，呢段時間好多學生支持我，中、港登台同閉關停工損失近6位數。」
無綫製作資源部總監樂易玲受訪時說：「同藝員部經理同佢傾咗一段時間，佢接受公司嘅決定。公司都擔心佢經濟有問題，所以恩恤發放餘下薪酬，佢應承我畀心機做嘢。」企業傳訊部副總監曾醒明稱無綫不存在「黑名單」，不排除將來有合作機會。
採訪：影視組、追蹤組
From:
http://orientaldaily.on.c ... /00282_010.html
