林峰過檔英皇冇戲拍樂易玲密謀佢回巢

1^# 大中小 young 發表於 2016-10-23 21:59 發短消息

一心想喺電影發展嘅林峰，前年就堅決咁要離開大台，搞到俾大台封殺，但日前出席好友楊怡同羅仲謙婚禮時，大台突然「解禁」訪問林峰，昨日就有週刊報導話，林峰再度於大台出鏡，全因樂易玲有意安排契仔歸隊。

報導嘅知情人士話，林峰一直都好想喺電影方向發展，而當年英皇拉攏佢過檔時，就講明會開戲棒佢，但事隔兩年，林峰連客串嘅機會都冇，就算之前英皇開記者會宣佈開幾部大片，都係由謝霆鋒同陳偉霆孭飛，部部都冇預佢，咁一直好錫林峰嘅樂易玲，眼見佢被忽視，就密謀o氹佢返大台喇！

咁樂易玲都唔係有籌碼，好似佢之前監製嘅電影《使徒行者》，喺中、港、星、馬嘅總票房逾七億，樂大媽即時把握機會，第一步就係解封契仔林峰，之後就再邀請佢出席十月中嘅邵氏大型活動。知情者仲透露，林峰同英皇仲有一年合約，樂大媽o依家開始同林峰傾，時間就啱啱好，如果成事，林峰就好似王祖藍咁，可以有自己嘅工作室，開自己嘅Label，呢啲條件都o氹得林峰好心動㗎！
from:http://hk.apple.nextmedia ... 161013/19799092

廷伸閱讀/相關主題推介:

相關主題:樂易玲林峰

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-10-24 19:31 發短消息

林峯冇傾無綫

林峯盛裝現身港台領取地區傑出歌手獎。

林峯、譚詠麟、張敬軒、鄭欣宜和衛蘭等昨日出席港台《2016全球華語歌曲排行榜》發佈會，容祖兒以四個半獎成大贏家，男歌手則是各以四個獎封王的張敬軒與林宥嘉。林峯日前出席楊怡婚禮時獲無綫派員訪問，即傳出樂易玲有意斟他回巢，他說：「冇傾過，我都好驚訝嗰日會訪問我，因為都一段時間冇舊同事訪問我。」他指有舊公司監製想合作，但一切交由英皇傾談，並謂加盟英皇後合作愉快，仍會繼續合作，而昨日所見無綫未有再訪問林峯。

譚詠麟看好新人李幸倪（左）和AGA有發展。

最近養了兩隻貓的張敬軒，自嘲變貓奴，日日鏟屎。

鄭欣宜與吳業坤為樂壇帶來新力量。

阿倫練腩肌

軒仔好開心今次憑廣東歌獲獎，問到是否因政治態度而影響內地工作？他說：「冇呀，一路都有做，嚟緊播放真人騷節目都係政府台搞。」譚詠麟近日開始忙登台演出，他笑指要控制每餐食三成飽，問到為何還有肚腩？他笑說：「係鍛煉出嚟嘅腹肌。」

採訪：馬建華
攝影：陳俊強
from:http://hk.apple.nextmedia ... 161020/19806014

TOP

3^# 大中小 young 發表於 2016-11-18 01:38 發短消息

林峯教着情侶裝

林峯日前以代言人身份到大連出席珠寶公司活動，一身西裝打扮嘅佢，一出現令在場嘅粉絲起哄，尖叫不斷。林峯除咗同行騷嘅模特兒擺甫士影相外，又講吓近況。

而林峯同女友吳千語都好鍾意時裝，喺現場就分享情侶配飾配搭嘅秘訣，之後佢又同粉絲互動玩遊戲，仲親手幫幸運兒戴上頸鏈，全場哄動！

撰文：馮仁昭
from:http://hk.apple.nextmedia ... 161109/19827149

TOP

4^# 大中小 young 發表於 2016-12-10 18:22 發短消息

林峯地下情點浮面當眾連呼七次「好愛BB」

年齡相差13歲，不過無阻兩人越愛越高調，講緊嘅咪係36歲嘅林峯同23歲嘅女友千語BB囉！

仲記得林峯以前被指金屋藏嬌，2011年同大陸女模潘霜霜拍拖，本身都無咩人發覺，但突然爆出咗一張兩人同床嘅自拍照，先至令戀情曝光。

可能見過鬼怕黑，林峯之後同都好保護感情事，2012年佢同千語BB合作拍《男人如衣服》時撻着，仲以8萬月租豪宅作愛巢，再次玩金屋藏嬌。

遇到真愛令林峯打開心扉，13年佢喺《十大勁歌金曲頒獎禮》拎獎嘅時候，就情深款款咁話「多謝BB」，令戀情正式浮上水面。自始佢哋關係突飛猛進，同年4月，林峯喺《勁歌金曲》再次晒愛，連講七次「好愛好愛好愛好愛好愛好愛好愛BB」，而翌日千語BB就好甜咁話，會講番七次「多謝」，隔空傳情好甜蜜。
from:http://hk.apple.nextmedia ... 161123/19842598

TOP