在澳洲炙手可熱的八位雷霆猛男THUNDER FROM DOWN UNDER，明晚將會分兩個時段在會展舉行兩場演出，林芊妤（Coffee）、郭思琳和鄧洢玲（阿旦）昨日獲安排在銅鑼灣睇優先特別場，先睹為快與其中七位猛男近距離接觸，面對腹肌男由有衫有褲跳到除剩底褲，企正面前騷朱古力腹肌，本來拍住手睇表演的三位女士，不到三分鐘便變到面紅耳熱，嘩聲四起。
有猛男被Coffee迷倒，即場「抄牌」問她拎電話。
Coffee與其中一位猛男做瑜伽，被對方用雙手舉起。
「錫咗我一啖」
昨日最怕醜的是思琳，她被其中一位猛男站在面前擘髀夾實雙腿兼捉手摸腹肌，嚇到即時掩嘴狂笑，而Coffee除被猛男邀請跳貼身舞外，還大顯瑜伽功架做空中一字馬，其中兩位猛男對Coffee及阿旦明顯好有興趣，表演後捉兩人「炒牌」，又約她們到中環狂歡。
Coffee承認有跟對方交換電話，她笑說：「有交換咗電話呀！佢仲叫我做佢導遊㖭！」之後佢又自爆：「都𥄫到兩、三個幾靚仔㗎，我以前唔鍾意咁多腹肌，反而鍾意肥仔，但可能人大咗就唔同咗，今日仲有一個錫咗我塊面一啖。」
阿旦被其中一位猛男黐到實，連她之後有工作都說要陪伴同行，她說：「佢話會喺香港留幾日，叫我做佢導遊，有同佢交換咗Instagram。」問她可會考慮發展異地戀，阿旦表明不會：「以前都有同ABC拍過拖，始終覺得思想唔同，但如果身邊有一個咁大隻嘅男仔朋友會好開心。」
採訪：小米
攝影：沈健程
場地提供：拳王泰國餐廳
幾位肌肉猛男邊跳舞邊除褲，又讓三女任摸胸，令她們興奮狂笑。
表現最怕醜的郭思琳被猛男抱起，她亦派糖錫面回禮。
阿旦使出一招迷暈鎖，冧暈澳洲猛男約她去街。
from:
http://hk.apple.nextmedia ... 160402/19554307
