林芊妤：㻗㻗好得人鍾意

Coffee大讚舊愛羅天宇的同母異父弟弟胡㻗是陽光男孩。資料圖片
胡㻗參選港男，林芊妤（Coffee）曾與他的同母異父哥哥羅天宇拍過拖，Coffee昨接受訪問時直指認識胡㻗，她說：「㻗㻗係幾年前識嘅，嗰時佢仲係小朋友，好得人鍾意，不過好耐冇聯絡喇，只係因為識佢媽咪，所以間唔中都會見到面，佢會叫我Coffee姐姐！」

談到胡㻗爸爸原來是昔日「銀河十星」胡越山，Coffee透露早知道胡父是前藝人，但不認識對方，但她對胡㻗則讚不絕口：「佢係一個好好嘅男仔，性格好好，又專一，係陽光男孩一個，好鍾意做運動，試過跑步撞到佢。」

採訪：小米
from:http://hk.apple.nextmedia ... 160829/19752621

人有相似，物有相同，昨日喺Coffee(林芊妤)就喺菲律賓搵到佢嘅孖生姊妹喇！

是咁的，早兩日Coffee有一位朋友，講笑咁同佢話喺網上發現到一個同佢生得好似嘅女仔，但係呢個人係菲律賓人，開頭佢都冇在意，覺得人有相似其實啲都唔奇，但今日朋友又再提醒佢，話擔心佢會捲入麻煩，所以佢都唔敢怠慢，馬上去look look咩事。

Coffee cap咗呢個自稱菲籍女子嘅fb，留言稱：「我朋友話我知，我喺菲律賓有位孖生姐妹add佢Facebook。其實驚奇嘅係佢可以無聊到合成我張相同人哋張相扮玩完web cam。我唔明點解要花咁多心機用假相去玩facebook？究竟係咩心態？不過講真?睇完佢嘅facebook，我覺得佢仲勤力過我本人，最後講番正題...都係唔想有人俾佢呃咗或者我捲入任何騙案，可以report fb嗎？」

咁有網民見到，當然即刻叫Coffee要向fb舉報呢件事啦，而《蘋果》昨日都向Coffee了解呢件事，Coffee話：「前兩日有朋友，講笑話我有孖生姊妹喺菲律賓，開頭冇乜點為意，有個唔知男定女扮我，又cap我圖扮同人用webcam傾偈，入咗去睇，佢都好用心去打理個fb。你問我係咪俾人用相係咪好嬲，咁又唔係，但我就擔心，因為o依家網上咁多騙案，佢又做到咁真，驚佢用嚟呃人，朋友叫我公開呢件事，費事一陣捲入啲咩騙案。」

講真騙徒嘅手法真係層出不窮㗎，大家都係小心為上。

呢個偷Coffee相嘅facebook acc，已經喺夜晚悄悄咁刪除咗，咁Coffee唔使擔心啦！
from:http://hk.apple.nextmedia ... 170623/20066238