雨僑成功搣甩「學神」之名，日前考牌「1 take pass」，這位新牌仔原來早已「車」心叵測，預計豪擲廿萬買處女dream car，不過她不肯做私人「柴可夫」，拒載緋聞男友羅力威！
雨僑成功攞牌，她已睇定dream car實現車主夢。
去年雨僑開始報名考車牌，未料傷腳試期一推再推，日前她在鴨脷洲香港駕駛學院通過最後泊車試，成功1 take pass過關，正式攞正牌做女車手！駕院為迎合年輕人市場，刻意安排雨僑在考試當日，成為第一個駕駛白色Mini Cooper應試的考生，最終成為她的幸運戰車。
廿萬買dream car
順利過關的雨僑說：「心情興奮過贏世界盃，最想揸車環遊全港九、新界。」她更立下目標，挑戰出名車水馬龍的紅隧。問是否希望第一時間向羅力威報喜？對「男友」行程瞭如指掌的雨僑說：「佢唔喺香港，都係第一時間向家人報喜先。」她又表示考試前未有向羅力威請教揸車秘笈：「佢之前仲有車，但依家冇車啦。（你做佢司機？）解決咗車位問題先啦，依家車位難求呀！」
睇位泊車
泊完晒V
雨僑早前成功置業做業主，大嘆肉赤過「赤鱲角」，但仍打算擲廿萬買第一部座駕，荷包將會再度大縮水，她說：「之前都有睇過心水嘅車，我想買部大啲，用嚟載爹哋、媽咪，諗住拎廿萬出嚟買先，啲人話第一部車唔使太貴，因為好易刮花。」
雨僑考牌成功過關，非常開心。
羅力威
From:
http://orientaldaily.on.c ... /00282_043.html
