吳業坤護Aka 趙慧珊甩拖變「籃」神

無線「巨聲幫」成員吳業坤、胡鴻鈞及馮允謙昨日到旺角參與籃球友誼賽，近日被爆因窮而與女子組合Super Girls成員Aka（趙慧珊）感情未能開花結果的坤哥，大發神威，射入關鍵入球，協助球隊以2分之微險勝香港女子籃球隊，成為救世主，可謂情場失意，球場得意！

吳業坤射入關鍵一球，帶領球隊贏取賽事。

無線「巨聲幫」吳業坤、胡鴻鈞及馮允謙昨日到旺角麥花臣場館，出席由香港籃球總會主辦，《東方日報》及《太陽報》任支持媒體的《Panasonic學界籃球邀請賽》，三人代表VR1隊出戰香港女子籃球隊。情場失意，球場得意的坤哥，澄清與Aka感情未能開花結果的報導：「我想講其實係我自卑，怕自己窮唔敢發展，大家唔好誤會，Aka係好女仔，為人都好慳家，唔崇尚物質，唔係港女。（受到壓力要澄清？）唔係，係我內疚，想講自己窮，但表達得唔好，怕引起誤會。」坤哥之前曾表示對歌手吳若希有好感，不忘隔空替對方慶生：「我有叫佢今日來睇波，但佢生日月，忙啲囉！（送乜生日禮物？）未買，我知佢今晚（即昨晚）做慈善節目，或者到時我捐523元，慶祝佢5月23日生日快樂！」

大讚香港女子籃球隊
胡鴻鈞及馮允謙則齊聲大讚與香港女子籃球隊作賽機會難得，胡鴻鈞說：「可以同香港女子籃球隊對賽令我哋獲益良多，佢哋進攻同防守意識都好好，而且係一隊值得尊敬嘅對手，呢場絕對係賞心悅目嘅賽事！」馮允謙則表示抱恙出賽：「呢排喉嚨痛，睇3次醫生都未好，同香港女子籃球隊對賽機會難得，佢哋為球迷帶來一場精彩賽事！」

胡鴻鈞（左）及馮允謙對今次友誼賽均獲益良多。

Aka

吳若希昨日出席慈善活動拜神儀式。

吳若希生日要睇醫生
此外，吳若希昨日出席慈善活動拜神儀式表示：「我生日嘅慶祝活動係睇醫生，扁桃腺發炎，怕會影響唱歌，所以即刻睇醫生。呢輪忙拍廣告，要6月至有時間同fans慶祝。（生日願望想有男友照顧？）唔好講照顧，係陪伴，依家搵緊啦！」
from:http://orientaldaily.on.c ... /00282_025.html

組合Super Girls（SG）、謝安琪（Kay）、泳兒、李雲迪、馬來西亞歌手茜拉及「爆乳」亮相的張靚穎等昨晚出席「香港青年音樂節」，身為活動顧問的王家衛與太太現身會場，穿熱褲的SG隊長Aka及成員Heidi齊齊「露底」，對於被本報踢爆因嫌棄「巨聲幫」男友吳業坤窮提出分手，Aka死撐說：「識朋友唔係因為有冇錢而做朋友，佢鍾意周秀娜嘅級數，我太普通唔啱佢。」記者發現吳業坤在場，問是否來捧SG場？他說：「唔係，嚟睇茜拉。」

Aka穿熱褲跳舞，而吳業坤亦於現場。

Kay獻唱鄧麗君金曲《忘記他》時獲李雲迪伴奏，活動籌委會主席詹勝透露，今次請來世界各地歌手來港交流音樂：「所有歌手都唔收錢。」

詹勝

吳業坤

謝安琪獻唱時獲李雲迪伴奏。
from:http://orientaldaily.on.c ... /00282_037.html

巨聲幫吳業坤（坤哥）一直予人傻氣感覺，但提到音樂，他即燃點起心中的一團火，從不放棄夢想做音樂人！雖然坤哥在綜藝方面發展居多，但一有空閒他即拿起結他唱兩嘴，更自言要增值：「我15歲就自學結他，原意係想自彈自唱，覺得夠就停咗。依家覺得唔夠，未夠班去做歌手，所以要搵老師教，結他同唱歌都要學。」

吳業坤

坤哥已入行4年，雖然對音樂充滿熱誠，但仍未能圓歌手夢，不過他卻非常豁達：「其實入咗行嗰陣，都未覺得自己係藝人，要慢慢去摸索。始終最想做音樂人，希望有機會出碟。之前我見到咩人，都會講自己好想出碟，依家反而覺得唔應該太進取，唔好太『猴擒』，依家會豁達啲，等吓先啦！」
from:http://orientaldaily.on.c ... /00282_049.html