人氣女子組合Super Girls隊長Aka（趙慧珊）去年底與「巨聲幫」吳業坤撻著，為免影響事業選擇發展地下情，可惜半年情於上月玩完！死因是男方無財無勢，慘被拋棄的坤哥無奈說：「冇錢就冇得選擇發展！」
吳業坤感慨地指冇錢冇得拍拖。
Super Girls憑青春活力及健康形象成功俘虜萬千宅男心，繼早前本報獨家踢爆成員Heidi（李靜儀）秘戀「富二代」監製Gareth Chan後，原來擁有42吋長腿的隊長Aka亦於去年底戀上「巨聲幫」吳業坤。由於不想戀情曝光影響事業，二人甚少出街濕平及撐枱腳，選擇在男方家短聚。據知，女方近日嫌棄男友冇錢又冇名氣提出分手，半年情終告玩完。
「依家車都冇揸」
記者昨日致電坤哥，問到是否被飛時，他支吾以對地說：「唔係呀。（拍過拖？）係有Close過。（Aka上過你屋企？）有嚟學結他，當時我媽咪都喺度。（玩地下情？）冇錢冇得玩。」坤哥更自爆冇錢養車：「唉！依家車都冇揸。（因為你冇錢飛你？）唔係飛，只係冇錢冇得選擇發展。」隨即他指對「女神」吳若希有好感，更叫記者牽紅線。
Aka默認與吳業坤已分手。
吳若希歡迎吳業坤追求。
胡鴻鈞
問Aka是否與坤哥拍拖？她沉默了三秒才說：「我依家單身，點講好呢？之前係好朋友。（劈腿？）我冇回應。」隨即默認與對方分手：「大家冇搵一排。」提到上坤哥屋企，Aka與坤哥口脗一致：「上去學結他。」
吳若希歡迎追求
另外，與坤哥老友鬼鬼的吳若希以「Welcome」回應對方的追求，而籃球隊友兼好兄弟的胡鴻鈞坦言不知坤哥失戀，更抵死取笑對方「屎波」，練波時不覺坤哥有異樣。
from:
http://orientaldaily.on.c ... /00282_040.html
