現年25歲的裕美本月11日出嫁，未婚夫是圈外生意人林恩浩，兩人拍拖一年便決定結婚。裕美和未婚夫日前在馬爾代夫影婚紗照，一日換了兩套禮服，全程笑不攏嘴，面對海天一色美景，更添浪漫，穿上低胸婚紗的裕美也份外養眼。
裕美和未婚夫嘴對嘴晒恩愛，她前日在電話說：「今次我哋影六套禮服，攝影師讚佢鏡頭前做得好過我，激死我，話晒我喺呢行做咗10年，佢真係好有潛質。佢答嘢都好叻，有次我着高踭鞋高過佢，我問佢介唔介意，佢話唔緊要，甄子丹都係咁。」裕美被當地港客認出，大家送上祝福，令她感動。裕美首次到馬爾代夫，她說：「呢度好大自然，真係蜜月勝地，好悠閒同寧靜，呢次只係pre-wedding，結婚後我會再嚟好好享受。」
裕美和未婚夫林恩浩日前在度假天堂馬爾代夫影結婚照。
沈德寶莉船P再婚
此外，曾與前夫菲力偉齊齊打造健身王國的社交名媛沈德寶莉前日也與拍拖九年的銀行家男友Keith Stoddart拉埋天窗，前日她在電話說：「三十號註冊，我要出海上船行禮，下禮拜會去泰國舉行派對。」
準新娘裕美穿高衩晚裝拍照，大晒玉腿。
在海天一色美景下，一對準新人嘴對嘴晒恩愛。
裕美成為倒奶俏新娘。
from:
http://hk.apple.nextmedia ... 131202/18532349
