被指為「女版胡鴻鈞」嘅27歲裕美，呢幾個月都喺社交網自拍PO相，由於容貌同佢初出道時嘅包包面相差極遠，故被指變臉變咗V煞面，而網民就話似林夏薇﹑林芊妤、陳法拉，甚至係吳千語，嗚哇，咁百搭嘅咩？
噚晚裕美回應《蘋果》，親解變臉之謎：「點解會變靚咗？其實我都唔知點解喎﹗我都冇諗過大家會瘋傳我嘅相，話我唔同咗好多囉，可能係有唔同嘅，因為身邊有好多朋友話：『哇﹗你真係成個人唔同曬。』但唔係淨係個樣，係成個body都唔同嘅，咁其實喺呢一年裡面，我跟咗一個教練教我做training，鍛鍊肌肉﹑體能訓練同跑步，咁開頭教練教我點跑步，同埋陪我跑7K，有時自己跑10K。」
裕美又謂愛上運動，而且做得好密：「呢段時間我瘦咗20磅，所以再冇可能同以前一樣。」佢又解釋以前塊面咁圓，係因為有好勁Baby fat，以前啲同事都話佢肥腫難分，唔知係脂肪定水腫，佢又話0依家啱啱27歲，塊面少咗好多Baby fat，加上成日做運動出汗。
from:
http://hk.apple.nextmedia ... 150926/19310713
