林夏薇開火鍋店冇諗翻本

林夏薇前晚喺中環出席產品發佈會，啱啱喺新加坡攞完電視獎嘅佢同馮仁昭講，有同老公食飯慶祝，但老公冇送禮物，夏薇笑笑口話：「呢啲嘢在心中啦！」夏薇又話婚後老公冇要求佢減產，仲好支持佢，而佢因為想試嚇唔同嘅嘢，之前投資開咗兩間火鍋店，一間喺北角，一間喺屯門，合共投資咗八位數字，暫時冇諗翻本問題，純粹想學習做生意。

撰文：馮仁昭

馮仁昭
from:http://hk.apple.nextmedia ... 151106/19361324

無綫小花林夏薇月前染指飲食界，位於屯門的第二間舖頭上月底正式開張，新店主打點心及小菜。身為老闆娘的薇薇，透露平日也會落舖做生招牌，與街坊鄰里打成一片，更指老公莫贊生乃其熟客，常拉隊到店舖見客兼幫襯，認真識做！

林夏薇在新舖做生招牌，凡事親力親為。

林夏薇繼早前於北角開設點心兼火鍋店後，短短幾個月再下一城，於屯門黃金海岸投資一間六千呎的點心兼小菜店舖，該店於上月底正式開幕，日前薇薇到新店做生招牌。

雖然該店位置於新界區，但薇薇毫不擔心客源，笑指除做街坊生意外，亦有信心周末可吸引不少遊客到來。問到為何選擇該區，薇薇一副老闆娘口脗謂：「因為好想每間舖可以同業主搵到共同理念。呢邊冇傳統中國菜，所以希望畀多個選擇大家。」

林夏薇指街坊很熱情，會跟她談菜色和劇集。

街坊健談講劇情
談到其老公擅長做生意，問到可有偷師？薇薇笑指老公不時畀意見，雖然公私兩忙，但與老公感情依舊甜蜜：「大家時間可以就到，之前拍嘢都係咁。依家做生意反而溝通多咗。佢係熟客，佢見客會嚟我舖頭，咁我哋又可以見得多，不過佢冇股份嘅，照畀錢。」薇薇更指平日會親自落場（目及）實「兩個BB」，又指街坊們很熱情，眾人會與她談劇情及菜色，亦會反映意見，感覺親切及溫暖。

文：影視組

攝影：黎志輝

化妝：Raymond Yip
From:http://orientaldaily.on.c ... /00282_034.html