裕美、鄭俊弘與麥潔文昨日於九龍灣化身大廚侍應，宣揚職安健訊息，裕美自言最愛煮家常便飯，但丈夫卻甚少品嚐到她的手勢，她說：「我媽咪食我煮嘅嘢多啲，我最叻整金菇肥牛卷，因為我手工OK，當食物係藝術品，尤其係日式嘢食，可能係細個嘅情意結，以前細過媽咪都會整便當，𠵱家有時間都會預備嚇。」
結婚兩年的裕美，被問到有否生育計劃？她說：「遲啲先，𠵱家尚年輕，生咗想多啲時間陪小朋友，女人要把握青春，等我準備好先進行呢件事。」而裕美透露正忙於排練舞台劇，今次將瞓身演出。而鄭俊弘自言甚少下廚，拍拖時也少有跟女友「煮飯仔」，他說：「難食就唔好。」
採訪、攝影：羅慧敏
from:
http://hk.apple.nextmedia ... 160119/19457283
