裕美變臉靚人妻密會吳若希舊愛黃子恆驚爆偷食

現年28歲的人妻裕美傳背夫偷食，疑搭上無線小生黃子恆玩煮飯仔兼過夜，被冠上搞婚外情罪名的裕美，昨日自爆去年已搞離婚，結束兩年婚姻，回想當日承受婚變之痛，行街又喊食飯又喊，幾乎令抑鬱症復發！她強調黃子恆不是第三者，兩人純屬好友關係：「我唔係見一個愛一個嘅人。」

由pizza面驚變V煞面的人妻裕美，2013年前與拍拖一年多的圈外男友林恩浩閃婚，可惜婚姻僅維持短短兩年。昨日有報導爆裕美疑搭上吳若希緋聞舊愛黃子恆，日前兩人被影到攬腰到馬鞍山買餸，之後雙雙返男方的西貢寓所玩煮飯仔，至翌日早上都未見裕美離開，傳出婚外情疑雲。

本月初，裕美出席活動時笑容滿面，似乎已捱過了婚變傷痛。

裕美出道時是pizza面，與現在的樣貌分別很大。

不停喊唔識面對

昨日記者致電裕美求證，她自爆去年已和老公搞離婚：「其實我同佢分開咗，唔係一個短時間，係上年分開。」問到是否已辦妥離婚手續？她說：「處理緊事情，要尊重對方。感情嘢唔想講太多，我哋性格磨合過，但磨合唔到，性格不合。」裕美以前曾患抑鬱自殘，問到婚變有否想過做儍事？她強調：「點解會諗呢一步？我可以發誓真係冇！以前為情可能想自殺，但大個咗真係冇，只係有段時間情緒好低落好唔開心，當時行街又喊，食飯又喊，唔知點面對人好迷惘。因為婚姻對我嚟講係完滿夢想，冇咗只能夠話係時候要長大。」婚姻失敗有否令抑鬱復發？她說：「好感恩冇，我都驚㗎，只係有一下feel到自己唔正常，不停喊，腦海好多負面嘢，但𠵱家人生積累明白世事難料。」

問到黃子恆是否第三者？裕美否認：「真係唔關佢事，佢好陰功，佢係好好藝人。」有否向她展開追求？她強調：「冇啲咁嘅事，我都唔知發生乜事，咁搞笑，嗰日唔單止我同黃子恆，仲有三個朋友，大家去佢屋企食飯，我根本冇過夜，9點已經走咗，我仲有下場。」對於被影到兩人攬腰，裕美否認：「唔係，咁啱搭嚇，feel唔到攬，街市好多人，佢好紳士，用手幫我擋，我哋識咗一段時間，因為自己嚟緊拍劇，問佢拍劇嘅嘢。」有指她經常到黃子恆屋企？裕美說：「唔係啦，黐線，我都住西貢，我哋有共同朋友，我估應該唔多過三次。」

黃子恆是無線力捧的小生，昨日「玩失蹤」不回應疑搭上人妻的緋聞。

最近裕美接拍新劇，強調與黃子恆只是好朋友，向他請教拍劇。

黃子恆曾與吳若希傳緋聞，現更傳搭上人妻裕美。

同黃子恆乜都傾

裕美透露其實很久之前，已經跟老公出現問題：「我唔敢講畀人聽，多謝陳明恩陪住我，呢段時間我投靠好多唔同朋友屋企，投靠過明恩屋企，朋友畀我幫助好多，好難過嘅時間都過咗，之前連媽咪都唔敢講，處理好曬先同佢講呢件事。」

裕美再三強調離婚與黃子恆冇關：「佢係好朋友，我哋乜都傾，唔想影響佢，佢始終係非常勤力嘅人，雖然我哋唔係拍同一部劇，但我都問佢專業意見，我哋識咗兩、三年，真係唔關事，我唔係見一個愛一個嘅人。」問到現在有否拍拖？裕美說：「冇，同朋友講有好嘢介紹，隨緣！𠵱家好想做好工作，我一直唔係依靠伴侶嘅人，但心靈好想有屋企。」

採訪：皓騫
from:http://hk.apple.nextmedia ... 160615/19654244

裕美昨拍片自白，指已盡力挽救與林恩浩（小圖）的婚姻。

人妻裕美傳背夫暗交黃子恆，前日她強調與老公林恩浩（Jason）正搞離婚，跟黃子恆只是好友。有讀者昨爆料指林恩浩的朋友在社交網爆粗罵裕美：「若要人不知，不要太低B...我唔X你我都唔係人啦。」

撰文：皓鶱
from:http://hk.apple.nextmedia ... 160616/19655842

林恩浩昨在社交網連番發文：「我不怕苦一陣子」、「你們的擔心完全在心中，我不相信歪理可以把我抹黑。」裕美昨晚在社交網貼短片自白：「喺2014年底，我同Jason發生唔愉快事，關係破裂，但我哋有挽救呢事件，搵婚姻輔導員、牧師、導師去傾，但盡咗力都唔得。」
from:http://hk.apple.nextmedia ... 160616/19656517

裕美前晚被指遭家暴，前年出席夫妻節活動，她的右膝現輕微瘀痕。資料圖片
裕美和圈外人老公林恩浩（Jason）兩年情玩完，她近日被爆背夫偷食，暗撻無綫藝人黃子恆，昨日有疑似兩人WeChat情慾對話截圖流出，當中女方留言：「我好鍾意你錫我攬我」，男方回答：「我鍾意你軟腍腍時候，無反抗能力嘅時候咪最軟囉」，言語間顯示大家有親密關係。而裕美的閨密為撐她，更大爆她曾遭家暴。

人妻裕美和圈外人老公林恩浩的婚姻現危機，裕美近日被爆背夫偷嗒無綫藝人黃子恆，她更到男方家過夜，裕美事後稱正在辦離婚，昨日她的facebook感情狀況顯示單身。裕美自揭婚變後，爆料不停出，前晚裕美被爆遭家暴，昨日則有疑似她與新歡黃子恆We Chat情慾對話截圖流出。

【慾話Cap圖】
疑似黃子恆及裕美的情慾短訊截圖昨流出，內容露骨，涉及男歡女愛。

無綫藝人黃子恆早前被拍到與裕美行街及出入自己的村屋。資料圖片

裕美去年底跟老公Jason出席友人cosplay生日派對後，有指當晚二人發生爭拗，裕美遭家暴。互聯網圖片

有指裕美遭家暴後，曾到陳明恩（左）家中借宿。互聯網圖片
「我鍾意你錫我攬我」

昨日有讀者C小姐提供疑似裕美和黃子恆的WeChat調情截圖，賬戶一方貼上裕美相，另一方則疑似是黃子恆、「H.W」，有部份顯示對話時間是今年元旦日，當中涉及男歡女愛的對白，提到兩人不止過夜，還攬着睡，疑似黃子恆說：「我鍾意你軟腍腍時候，無反抗能力嘅時候咪最軟囉」、「充滿電後，才能夠有力氣跟你纏綿」、「我鍾意同你瞓」，而疑似裕美曾回應說：「我已經叻咗，至少我覺得我開始冇咁驚你掂我」、「我好鍾意你錫我攬我」及「因為可以任你魚肉，我對住你才咁冇符。還是要講多次，今次死喺你手上。」情慾對話露骨曖昧。

C小姐指去年12月15日是裕美和Jason結婚兩周年，二人還一起慶祝，同月20日兩公婆拍拖去友人Kimmy生日派對，可是當晚二人發生爭拗，裕美便離開愛巢，C小姐說：「夫妻嗌交，裕美發火亂掟嘢，唔准Jason瞓，男方輕推佢一下，呢個就係所謂家暴嘅真相。」她又力撐Jason顧家，負責家中三分之二以上開支，更指Jason不時向教友祈禱哭訴，仍期待老婆回心轉意。

再婚的黎耀祥昨表示有留意黃子恆新聞，他認為外人不應批判。

好友稱手腳有瘀痕

另一方面，裕美被爆遭家暴，她前晚在Instagram上載三條短片，稱婚後一年，夫妻關係破裂，裕美在短片中欲哭無淚。好友E小姐在網上爆裕美啞忍家暴，當中包括語言暴力。另一閨密梁小姐也向本報稱：「見過裕美手腳有瘀痕。」更指裕美不敢回家，曾到陳明恩和謝文雅家借宿。據知，裕美前年11月出席夫妻節活動時，膝頭附近現瘀痕。記者前晚向裕美求證家暴傳聞，她說：「唔回應。」Jason前晚在fb留言：「嚇一跳，然後得啖笑。」不過留言昨忽然被刪走，裕美、Jason和黃子恆昨潛水避傳媒，直至截稿前未有回覆。

此外，黃子恆昨缺席楊證樺婚宴，但有份到將軍澳喝喜酒的黎耀祥則說：「我都係睇報道，如果男未婚，女未嫁，單身唔介意發展，婚姻唔係束縛，唔通要離婚嘅人一世孤獨，感情冇對與錯，外人批判佢哋錯太多餘。」而楊明則表示沒聽過黃子恆提裕美。

採訪：陳杰、卓寶花
攝影：陳順禎

疑似裕美黃子恆慾話節錄

裕美堅稱與黃子恆沒有婚外情，昨日本報收到由讀者提供的一批WeChat對話截圖，內容是貼有「裕美」相片的賬戶和疑似黃子恆、「H.W」的情慾對話。

【我鍾意攬住你瞓】

「H.W」：我鍾意同你瞓，不過我而家唔好攬，畀啲時間我，等我生番啲肉仲好攬。

「裕美」：我已經覺得你好好攬，無論你係點，只要係你，我都好鍾意

【每次緊張完、都好累】

「裕美」：「我鍾意你又點會覺得你煩，我已經叻咗，至少我覺得我開始冇咁驚你掂我。」

「裕美」：「每次緊張完、都好累，唔怪得知我對住會瞓得咁冧！」

【可以任你魚肉，我對住你才咁冇符】

「H.W」：我鍾意你軟腍腍時候，無反抗能力嘅時候咪最軟囉。

「裕美」：因為可以任你魚肉，我對住你才咁冇符。還是要講多次，今次死喺你手上。」

「H.W」：上次未死㗎原來？

【通常都係我錫你】

「裕美」：我好唔好錫，我就唔知啦。我永遠錫唔到自己。

「H.W」：我呢？你都係被錫多，通常都係我錫你，你都唔錫我嘅。

「裕美」：你好錫。我有主動㗎！
from:http://hk.apple.nextmedia ... 160617/19657165

黃子恆被指有兩部車，常常做柴可夫。微博圖片
裕美和圈外人老公林恩浩（Jason）2013年底閃婚，日前爆出女方背夫偷食，暗交無綫藝人黃子恆，並到男方家過夜，前日又有疑似裕美和黃子恆WeChat情慾對話截圖曝光。本報昨日收到讀者S先生提供一條聲帶，內容為一男子鬧爆黃子恆。

聲帶中有男子火滾爆seed：「廢柴，應人一句勇氣都冇，頂你個肺黃子恆（讀音），你啲社會人渣，社會垃圾，你想搞我老婆，你黐咗線呀？你係咪想成名，你算下自己前途係點樣，我畀一日時間你，你即刻消失，如果唔係，你自己快啲算下，你自己前途係點樣，我相信真係無可限量㗎。」S先生聲稱聲帶錄於今年1月24日。記者昨日就聲帶欲向Jason、裕美和黃子恆查詢，但截稿前未回覆。

Jason唔敢返工

有報道指裕美受事件影響發燒抱恙，S先生表示婚變為Jason帶來打擊，他躲在家沒返工，精神大受影響。S先生爆Jason前年婚後陪裕美到澳洲工作假期，預算去一年，裕美4個月便花光旅費，夫妻被迫提早返港。S先生續說：「Jason冇車被裕美嫌棄，黃子恆就有兩架車，成日做柴可夫。」S先生還提供了裕美今年1月30日租用在馬來西亞使用的wifi蛋收據，巧合地那段期間黃子恆也在馬來西亞出席活動。

有指裕美遭家暴，她的閨密張家瑩（右圖）昨在fb留言斥Jason（上圖右），並暗示家暴是真有其事。資料圖片

此外，有指裕美遭家暴，她的閨密張家瑩昨在fb留言斥Jason：「兩個人喺埋一齊快樂就是幸福！相反，朝夕相對但不快樂是種折磨！聽到姊妹被家暴，好心痛，我怒：如果真的愛老婆，為甚麼會傷害她？無論如何，男人都不能出手打女人的，豈有此理！你算是甚麼男人？美美善良，她一直冇反抗死忍，是因為要維繫婚姻，但你實在欺人太甚，忍無可忍了。」

採訪：楊定

裕美今年1月底租用wifi蛋到馬來西亞，期間撞正黃子恆都在當地宣傳。

黃子恆今年初，曾與陳敏之到大馬做宣傳。
from:http://hk.apple.nextmedia ... 160618/19658878

黃子恆昨晚終於現身將軍澳，坦言裕美曾向他表示與丈夫已分開。攝影：朱志聰

裕美近日被指背圈外人老公林恩浩（Jason）暗交無綫藝員黃子恆，連日更爆出當中涉家暴和疑有情慾短訊，裕美日前聲稱正搞離婚，Jason昨日凌晨卻拍片踢爆冇辦離婚，更寸爆情敵黃子恆，呼籲他蒲頭解畫。而昨晚黃子恆在將軍澳首現身，表示認識裕美時，對方指已跟老公分開。

人妻裕美上周被爆暗交黃子恆，被拍到在男方家過夜，裕美即表示與丈夫林恩浩搞緊離婚，數日內裕美夫妻間的朋友連環爆料，除指裕美曾遭家暴，還有疑似裕美和黃子恆的情慾短訊截圖、怒斥黃子恆是人渣聲帶，事件主角裕美日前在社交網拍片自白，Jason昨凌晨在facebook貼自拍短片，呼籲黃子恆蒲頭，昨晚7時許，黃子恆即現身解畫！

【昨凌晨Jason自白】

Jason昨凌晨在fb自拍短片，透露未跟裕美離婚。

【15/6裕美自白】

裕美上周三拍片放上社交網剖白，全程欲哭無淚。

Jason懇求放過裕美

過去幾日被指潛水的黃子恆於昨晚7時許，在將軍澳坐城巴返電視城開工，被本報獨家撞正。對於Jason指控他搞其妻，愁爆的黃子恆被問到與裕美甚麼關係？他雙手合十說：「我暫時有啲嘢處理緊，唔回應住，唔該晒。」問與裕美有聯絡嗎？黃子恆想了想，吸一口大氣說：「其實喺我識佢嘅時候，佢同我講佢哋（與丈夫）分開咗，我知道呢件事𠵱家影響咗好多人，好抱歉。」說罷即匆匆上車，並解釋連日都開工。至晚上9時許，黃子恆返電視城接受訪問，問有看過Jason的短片？他說：「我知道有呢件事，但未睇過。」再問有聯絡裕美嗎？他說：「由第一日開始（報道），當然有通電過，因為都想了解原因。」

綠帽疑雲令Jason非常困擾，心情大受影響，他昨凌晨在facebook貼出一條名為「給我受影響的朋友同家人！」自拍短片，身穿白恤衫的他嚴肅宣告：「對於連日嚟嘅報道，我想同我嘅朋友同家人講聲對唔住。我並冇收過自己即將離婚，或者搞緊離婚，我自己聽到都好愕然。」他又懇請友人不要再「放料」，他表示聽聞裕美發燒：「請你哋放過佢，畀啲空間佢，放過大家。拜託。我係一個男人，我會出嚟承擔。黃生（黃子恆），如果你真係鍾意裕美嘅話，麻煩你出嚟承認，唔好再畀裕美一個人受千夫所指。裕美其實係好單純，請大家保護佢，唔好再落井下石。」

一臉愁爆黃子恆表示「有啲嘢處理緊」。攝影：黃曉程

裕美曾表示婚後一年已出現問題，雙方亦盡力挽救婚姻，並稱現正辦理離婚。資料圖片

洪永城（右二）前晚在Ig貼出跟黃子恆（右一）和蔡思貝食消夜照片。

裕美失聲臨時甩底

裕美昨午原定要在馬鞍山出席「618防毒音樂會」，惟她抱恙兼失聲臨時缺席。此外，昨也有報道爆出有一條疑似Jason聲帶，內容提及「可以做冧條仔」，Jason任職教會執事父親林萬榮擔心兒子婚變，他日前在fb留言：「黑暗盡頭，可有光芒？」

採訪、攝影：黃曉程、朱志聰、張俊銘
from:http://hk.apple.nextmedia ... 160619/19660189

洪永城昨直言好友黃子恆現時處於被動狀態。

黃子恆被裕美老公林恩浩「下戰書」要蒲頭，前晚洪永城則在Instagram貼上與黃子恆、蔡思貝及何君誠食消夜的合照，昨日洪永城到灣仔出席「世界公民獎勵計劃」，他說：「件事有啲複雜，真係唔知佢點處理，佢處於被動狀態。同黃子恆有傾偈，啲新聞唔係咁好，會喺佢身邊陪伴。」

洪永城坦言為黃子恆分析危機處理：「要睇事態發展先，佢冇講入面嘅內情我聽。」對於黃子恆被拍得攬裕美腰入屋，他說：「雜誌都影到，都冇得話唔真，等佢回應。」

採訪、攝影：張俊銘
from:http://hk.apple.nextmedia ... 160619/19660193