吳若希唔揀議員做男友

1^# 大中小 young 發表於 2016-3-28 22:31 發短消息

相關主題: 吳若希

吳若希昨日出席長者活動，重遇當年幫忙自己的區議員。

吳若希、胡楓、羅蘭和J.Arie昨日在荃灣出席港台舉辦關懷長者活動，胡楓和羅蘭分享日常乘坐公共交通時有年輕一代讓座，有被尊重感覺，寄語新一代要多關顧長者。

胡楓和羅蘭指經常獲年輕人讓座。

吳若希家中長者爺爺嫲嫲在內地生活，她透露每次返鄉都會珍惜相處時刻，臨走時一定錫啖兩老，被問老人家有否叫她和男友返鄉？吳若希說：「又冇，佢哋好知我香港情況，好理解我工作。」吳若希在席間重遇當年她仍住在荃灣區的區議員，即回想小時候家中低潮境況，並獲該區議員介紹社工幫助，所以今日出席活動有回饋社會感覺。會否揀區議員做男友，吳若希即煞有介事表示不想涉及政治，而日前白色情人節，吳若希只單獨在家度過。

採訪、攝影：卓寶花
from:http://hk.apple.nextmedia ... 160317/19532442

廷伸閱讀/相關主題推介:

相關主題:吳若希

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-3-29 16:40 發短消息

吳若希吼富三代做男友

吳若希和王大業前晚在活動上碰頭，其中吳若希指自己冇時間拍拖。

吳若希、Super Girls、皮草太子爺王大業（Andy）、森美等，前晚於灣仔出席「香港毛皮業協會周年晚會」，吳若希多次和中年男人傳緋聞，問她到場會否認識富二代、和「叔叔」講拜拜？她笑說：「我個type好闊，個range好大。童養媳都唔介意，富二代、富三代都OK，但係𠵱家忙到冇時間拍拖。」

此外，Andy舊愛何超雲傳和陳山聰復合，Andy說：「最近冇聯絡，唔知佢嘅感情事。」而森美就被問到好友方力申和鄧麗欣（Stephy）分手一事，他說：「覺得金童玉女幻滅，愛情唔可以長存。希望佢哋搵到自己開心生活方式，愛情好難講，有可能兜個圈又喺番埋一齊呢！」

採訪、攝影：羅慧敏
from:http://hk.apple.nextmedia ... 160322/19539285

TOP

3^# 大中小 young 發表於 2016-3-29 16:54 發短消息

吳若希被牛油考起

吳若希噚日去深水埗為台灣蔬果節「彰化優鮮」活動擔任嘉賓，佢話細個去旅行同拍劇外景都係台灣，所以今次為當地宣傳覺得好榮幸。吳若希喺台上示範煮台灣料理，但就有啲狼狽，佢話：「我平時喺屋企都有煮，但係用橄欖油，用牛油被考起。」佢仲話以前有為男友落過廚。

另外，提到音樂人嚴勵行因醉駕被判停牌罰款，佢話對方已受到應有嘅教訓。

撰文：馮仁昭

馮仁昭
from:http://hk.apple.nextmedia ... 160324/19541930

TOP

4^# 大中小 young 發表於 2016-3-31 16:33 發短消息

吳若希箍新歡夾八字

吳若希噚日笑住出席ifpi唱片銷量大獎頒獎禮拜神，唔通真係蜜運中？

吳若希嘅緋聞真係停不了，最近有報道話佢失去有米uncle「十哥」林棣權照顧，但好快已經搵到澳門才俊Alex Ho補位，呢位Alex年約30幾歲，喺澳門代理洋酒、搞團購網，仲入股某眼鏡品牌㖭，報道又話吳若希為咗箍實Alex，帶咗Alex見相熟嘅玄學師傅陳定幫夾八字。消息話Alex係吳若希嘅粉絲，聚會上識咗女神後展開追求，又請佢為澳門眼鏡新店剪綵，早前兩人俾傳媒影到相，吳若希就喺社交網貼兩人玩視像相避嫌，問到吳若希係咪同Alex拍拖？佢喺電話度講：「唔想影響人，所以唔回應。」

吳若希自揭同Alex玩視像通話。

陳師傅（左）話吳若希帶過Alex搵佢睇八字。微博圖片
努力會有夫妻緣

不過，陳師傅接受電話訪問就承認：「佢（吳若希）話介紹個客畀我識，帶佢上嚟搵我，跟住佢走咗。」問到係咪夾八字？陳師傅話：「都有幫佢哋睇吓，佢哋做friend幾好吖，佢又冇透露係咪情侶關係，Alex主要問事業居多。」問到兩人八字夾唔夾？陳師傅話：「OK嘅。」咁有冇夫妻緣？佢話：「佢哋性格都幾配合，但當然要睇佢哋嘅緣份，夫妻緣如果努力啲我諗可能會有啩。」

撰文：馮仁昭

馮仁昭
from:http://hk.apple.nextmedia ... 160330/19549356

TOP