寸嘴Barbie日前一身水手裝，挽實男友手臂去蘭桂坊夜蒲。
【中環】有「寸嘴Barbie」之稱的夏尉喻近日參演電影《喜愛夜蒲3》，螢幕前豪放大拋D奶，螢幕後嘅佢雖然收起一對35D咪咪，但仍然喜愛夜蒲，日前寸嘴Barbie着住水手裝同短褲，蹺實臉有酒窩嘅猛男到中環老蘭狂歡，上演現實版喜愛夜蒲。
【中環】有「寸嘴Barbie」之稱的夏尉喻近日參演電影《喜愛夜蒲3》，螢幕前豪放大拋D奶，螢幕後嘅佢雖然收起一對35D咪咪，但仍然喜愛夜蒲，日前寸嘴Barbie着住水手裝同短褲，蹺實臉有酒窩嘅猛男到中環老蘭狂歡，上演現實版喜愛夜蒲。
嗰晚寸嘴Barbie一改常態，對住男友一臉含羞答答嘅樣。
相識兩個月
當日凌晨1時多，寸嘴Barbie蹺實新歡臂彎行去老蘭，準備會合一班友人，齊齊出動夜蒲。由於寸嘴Barbie一頭金髮，喺條街度好搶眼，佢仲要全程黐到男友實一實，好鬼煙韌。寸嘴Barbie新歡「酒窩男」着住西裝褸，外形唔錯，算係釣到筍盤。
寸嘴Barbie最近拍電影《喜愛夜蒲3》，少不免騷吓身材。
寸嘴Barbie依偎喺男友身邊，當男友喺夜場樓下會合咗朋友，佢哋喺街頭吹咗一陣水，酒窩男係咁講，寸嘴Barbie好少搭嘴，全程都好留心聽男友講嘢，一改平日對記者寸嘴嘅態度，相信係想畀新歡留下好印象，佢哋齊腳就一齊入咗夜場消遣。
昨日致電寸嘴Barbie，她即寸嘴說：「男伴係新識嘅，識咗兩個月，我要對佢觀察吓先，你唔好寫佢係，I am still single。」
採訪、攝影：楊浩賢、徐錦池、李志明
from:
http://hk.apple.nextmedia ... 131018/18468507
