日本秋葉原可說是宅男天堂，動漫模型、電玩遊戲、可愛女僕應有盡有。有意打入日本宅男市場的寸嘴Barbie（夏尉喻），日前便化身成性感女僕，走到日本秋葉原街頭為自己宣傳、大曬她5吋事業線。她先向大眾展現自己美妙的歌喉，以日文rap出最新創作的新曲，並找來香港宅男徐浩昌（肥腸）為其伴舞，成功引得西裝男狂贒，更有外籍遊客駐足拍照。
走光仍派相
Rap完歌，Barbie便拿出預先準備的寫真靚相派予途人。當日不時吹大風，令Barbie的女僕裙多次被吹起走光，但她仍表現專業，落力派發靚相。雖然途人較怕醜，不敢接下Barbie的寫真照，但他們卻目不轉睛將目光投放在Barbie胸前，似是為Barbie打氣。
5吋事業線一出，即引來西裝叔叔狂𥄫。
Barbie在肥腸協助下於日本街頭宣傳，春光蕩漾。
Barbie於秋葉原街頭大派自己的寫真相，為進軍日本做足準備。
Rap歌打關係
經過一輪「宣傳」後，Barbie笑言對打入日本市場信心大增：「我又可以走rapper路線，又可以funny sexy，好多元素，等佢哋多啲選擇。」對於其上圍相當吸睛一事，Barbie豪言：「佢哋係被我美色所吸引住，我相信憑住我嘅真誠同可愛，佢哋應該會幾喜歡我，所以我好有信心！」提到她的新歌，Barbie表示歌詞是由oh、yeah及hi三個單字組成：「因為我覺得去到一個陌生嘅地方，最好同當地人打開關係就係呢三個字，所以大家都應該好好咁運用呢三個字，同全世界人做朋友。」
採訪：譚倩宜
攝影：陳慧安
from:
http://hk.apple.nextmedia ... 141108/18927306
