寸嘴芭比夏尉喻（Barbie）早前扮美人魚Rap歌而成功出位，日前她更衝出香港飛到日本大戰當紅的船梨精，較量「震功」。穿了低胸裙的Barbie毫不錫身彎腰震動全身，雖然Barbie最後敗北，但就獲船梨精收為徒弟，傳授其必殺free style舞步。
採訪：譚倩宜
雖然失落周星馳電影《美人魚》角色甄選大賽，但Barbie成功以其Free Style Rap而人氣急升，日前她更帶同Tempo廣告內的當黑肥仔徐浩昌（肥腸）衝出香港，飛到日本跟曾上節目《SMAP×SMAP》的日本紅爆吉祥物船梨精（Funassyi）較量震功。
肥腸欲拜船梨精為師，可惜被對方狠狠拒絕。
「佢仲識跳華爾茲」
穿上低胸黃色連身裙的Barbie，甫見船梨精即興奮尖叫，並衝上前以廣東話拜師，豈料船梨精竟以普通話回答：「跳舞？好呀！」成功拜師為入室弟子的Barbie，即時跟船梨精大跳free style舞步慶祝，不過僅跳了一分鐘，Barbie已大汗淋漓要稍作休息，相反船梨精仍電力十足，Barbie見師父仍未有倦意，便提議跟對方比試震功。雖然穿了低胸裙示人，但Barbie跟對方鬥震時絕不錫身，不時彎腰震動全身，可惜相比震王船梨精，Barbie仍是敗北。事後她笑說：「我本身都覺得自己好震得，但Funassyi真係好犀利，我震一分鐘已經好攰，佢可以持續咁震，對住佢真係輸。」
因為看過網上影片而愛上船梨精的Barbie，表示因知道有機會到日本見對方而興奮了好幾天：「我喺YouTube睇完佢啲片之後覺得佢好勁，所以好想親身見嚇佢！估唔到佢可以跳到咁高。同埋佢除咗跳free style舞之外，仲識得跳華爾茲，真係好犀利。」問到Barbie何以不邀請對方Rap其成名曲「美人魚」？她笑謂：「我未學識日文，等我下次先搵佢啦！」
不過同樣想拜師的肥腸，完全被船梨精無視，之後更被對方推倒地上，Barbie見狀即提議二人來一場摔角。雖然肥腸在身形上略佔優勢，但仍被摔角能手船梨精秒殺。肥腸無奈表示：「我真係冇諗過佢會say no！」船梨精本月30日將來港宣傳下月東港城舉行的展覽會，肥腸表示屆時定必找機會跟對方拜師。
from:
http://hk.apple.nextmedia ... 141018/18903443
