寸嘴Barbie夏尉喻、洪欣、莊端兒、呂晶晶、黃倩婷等，前晚喺圓方出席電影《絕地狂逃》首映禮，個個把握機會性感上陣，當中張致恆女友莊端兒著黑色透視裝，呂晶晶亦真空上陣，但都唔及寸嘴Barbie一招露暈搶鏡。
寸嘴Barbie以低胸曬巨咪上台同錢國偉及鍾晴合照，不過影相時件衫跣咗落嚟，令右胸見暈，事隔數秒先知走光當眾拉返高條裙。佢接受訪問時好緊張咁話：「大家手下留情，Delete咗佢得唔得？我𠵱家做緊兩份工，我趕車趕過嚟，下晝做寫字樓工，放工做兼職藝人，一放工即換衫過嚟，但下晝喺公司有件披肩，今次真係失策。」
谷得超勁嘅莊端兒（左）同真空上陣嘅呂晶晶，齊齊輸個馬鼻。
呂晶晶真空上陣
狂谷湯碗胸嘅莊端兒出場時恍如「黑色乳牛」，非常誇張，至於呂晶晶自爆喺首次真空上陣，佢話：「好緊張，今次係第一次真空，自己黐好多膠紙，感覺膠紙離開件衫，頭先一路行一路黐膠紙，喺洗手間都有黐。」
撰文：馮仁昭
馮仁昭
from:
http://hk.apple.nextmedia.com/entertainment/art/20150903/19280071
