何傲兒、張致恆女友莊端兒、「木偶哥」林師傑落選港姐女友歐陽巧瑩，以及杜汶澤化妝師陳意嵐昨日在荃灣廣場行泳衣騷鬥身材，吸引大量龍友及逾五百人圍觀。其中擁有32E上圍的莊端兒最為盪漾，湯碗胸谷出5吋深溝事業線，力壓大會報稱有34C上圍的何傲兒，而傲兒每套泳衣都有小布飾遮下身，略為失色，至於曬得一身古銅膚色的歐陽巧瑩身形最平均。
何傲兒昨與歐陽巧瑩等人換上水著鬥身材。
憶選港姐停經
見何傲兒身形明顯消瘦，面尖現膠面，除有3吋事業線外，隱約見到腹肌，不過可能太瘦，她行騷時不慎溜出nude bra，認真老貓燒鬚。她表示為了行騷已進行半個月戒油戒糖的節食及做運動，問到上圍有否縮水？傲兒說：「自然定律一定有，不過夠用OK。我瘦咗好多，之前係120磅左右，現在105磅，大家有新泳衣相用，之前選港姐時仲有baby fat，同埋太緊張，第一round起就冇嚟period，所以成個人都好腫。」
日前莊端兒與男友張致恆被指疑似撞車不顧而去的糾紛，莊端兒昨自言受到事件困擾：「當日報警後，差人嚟到度曬位同檢查過，都同對方講我架車冇痕同污跡，對方亦同意事件離開，估唔到之後佢喺網站上載片段。」莊端兒指公司會保留法律追究責任：「因為根本冇發生過撞車，另外住址同車牌又曝咗光，𠵱家每日出去都會先影曬自己架車車身，免得事件再發生。」
採訪：馬建華
攝影：仇志德
莊端兒谷盡湯碗胸，露出5吋事業線。
一身古銅膚色的歐陽巧瑩倒奶示人。
from:
http://hk.apple.nextmedia.com/entertainment/art/20150702/19204932
