寸嘴Barbie擺明穿上較細的泳衣塑造漏奶效果。
何佩瑜（Jeana）、雨僑、林德信、寸嘴Barbie夏尉喻和文凱玲（Connie）等，前晚冒着寒風到黃竹坑出席電影《喜愛夜蒲3》的泳池派對，最叻搶鏡的寸嘴Barbie刻意穿細碼泳衣塑造漏奶效果搶鏡。
寸嘴Barbie夠博，相反Jeana三催四請才脫去外套，影完相又第一時間穿回。腳傷的雨僑一身紅色低胸裙，但也谷胸唔執輸。眾女玩遊戲用口傳酒管，彎腰時個個「倒奶」，甚有睇頭，另原本要男仔落水，但因太凍而取消。
踩林德信細粒
問寸嘴Barbie是否刻意搶鏡？她笑笑口說：「唔係，只係想多啲機會發揮。」是否刻意穿細碼泳衣？她卻唔認：「加大碼嚟㗎，可能係特別時段前有特別效果。」是否因月事到？她承認說：「係之前。」雨僑提到在片中扮全裸跟韓男在泳池有激情戲，她說：「我貼晒乳貼，再貼膠紙造成太陽花咁，再加『缽仔糕』再加膠紙，再着三條褲，但唔攬住都易走光，好彩佢高大遮晒我。」雨僑與林德信也有親熱戲，但她踩對手說：「佢就細粒，借位辛苦啲。」
Jeana三催四請才肯除去外套以泳衣look示人。
Celia K.前晚的樣貌似乎跟之前又有點不同。
文凱玲身形雖偏瘦，但上圍仍谷到很有睇頭。
錫身的Jeana提起寸嘴Barbie漏奶夠博時說：「Sexy囉，我諗佢唔會專登着細一個碼，因為有試身，同埋着細咗泳衣游水好危險。」
Jeana（左）用口傳酒管給雨僑時，彎腰倒奶。
JW即場邊跳邊唱主題曲，不慎露出內褲邊。
前晚氣溫急降，林德信（右一）和雨僑（左二）等人也凍到縮縮吓。
from:
http://hk.apple.nextmedia ... 131129/18528668
