無綫低調安排一眾藝員分批拍攝明年的月曆，以防照片再一次外洩。萬綺雯初次「榜上有名」，與「前輩」黎耀祥及歐陽震華（Bobby）度過一個愉快下午；而今年有參與無綫劇集的關詠荷，亦有份參與拍攝。
祥仔透露將與蘇玉華、韓馬利等拍新劇。
無綫2014年的月曆以運動為主題，最近分批安排旗下演員進行拍攝。鑑於去年照片外洩牽連大風波，故今年決定保密及低調進行，繼之前安排了鄭嘉穎、佘詩曼及黃智賢等「埋位」後，昨午，萬綺雯聯袂祥仔、Bobby、胡定欣、陳慧珊（Flora）、關詠荷及米雪現身尖沙咀某桌球室，以型男索女造型進行拍攝，由攝影師CK操刀，高層樂易玲則親自現身監場，可見相當重視。而拍照過程相當順利，一眾演員約兩、三小時便收工，不過由於已下封嘴令，定欣與Flora發現記者於樓下等候時，即嚇得雞飛狗走，未肯停下拍照，米雪亦不禁謂：「依家真係唔係幾方便喎。」
關詠荷淡定任影
黎耀祥、關詠荷及Bobby離去時表現淡定，讓記者拍照，祥仔笑謂：「咁都收到風？（第幾年影月曆？）唔記得，不過我唔係影咗好多年咋，公司安排晒衣飾，我只係交人就得，都影得幾開心。」祥仔又謂今日將投入新劇開工，能夠與蘇玉華、韓馬利等「鬥戲」，令他相當期待。談到《神鎗狙擊》接《衝上雲霄Ⅱ》棒收視跌至26點，祥仔戥不值謂：「冇辦法，可能大家困咗喺屋企追劇幾個禮拜，做完咗點到要出街玩吓。」至於Bobby手持大鋁箱裝隨身物，果然有型有款。
鄭嘉穎（左）及黃智賢之前已埋位拍照。
Bobby拎埋個鋁箱裝隨身物，有型有款。
萬綺雯期待鬥戲
而萬綺雯事後接受電話訪問透露：「第一次幫公司影月曆。（同前輩合作感覺點？）唔係嘛！你講佢哋個個都影咗好多次！今日真係影得幾開心，我未同Bobby、祥仔合作過拍劇，都想有機會試吓，等公司安排啦。」此外，羅仲謙前日亦與梁烈唯、王浩信、朱璇等拍攝月曆，主題以游泳為主，男的大show肌肉，女的則穿三點式上陣。
關詠荷亦獲安排拍攝明年的月曆。
萬綺雯
From:
http://orientaldaily.on.c ... /00282_016.html
